હિન્દ ન્યુઝ, વડોદરા
વડોદરા પાલિકા દ્વારા ડોર ટુ ડોર કચરો લાવવા કોન્ટ્રાક્ટ અપાયો છે. કચરાની ગાડીઓ દ્વારા ડોર ટુ ડોર કચરો કલેક્શન કરે છે. આ ડ્રાઇવરો 15 વર્ષથી આ કામગીરી કરે છે, છતાં પગારમાં સુધારો થયો નથી. અનેક વખત કોન્ટ્રાક્ટરને પગાર વધારવા રજૂઆત કરી છતાં કોન્ટ્રાક્ટરે દાદ ન આપતાં આજે 200 ડ્રાઇવરો હડતાળ પર ઊતરી ગયા હતા. કચરાની ગાડી પોળો, સોસાયટી, દુકાનોમાં કચરો લેવા ન જતાં લોકોને જાતે જ કચરાનો નિકાલ કરવાની ફરજ પડી હતી. ડ્રાઇવરોના અગ્રણી મનોજ સોલંકીએ જણાવ્યું કે, ડ્રાઇવરોને પ્રતિદિન રૂા.285 પ્રમાણે અને મજૂરને રૂા. 265 પ્રમાણે અપાય છે. જેમાં વધારો કરવા માંગ કરી છે.
રિપોર્ટર : કમલેશ ત્રિવેદી, વડોદરા
