હિન્દ ન્યુઝ, રાધનપુર
પાટણ જિલ્લાના રાધનપુર ખાતે નગરપાલિકા કક્ષા નો સેવા સેતુ કાર્યક્રમ યોજાયો,રાધનપુર ગાંધીચોક લોહાણા મહાજન વાડી ખાતે સેવા સેતુ કાર્યક્રમ યોજાયો જેમાં રાધનપુર શહેરીજનો ખુબ મોટી સંખ્યામાં ઉપસ્થિત રહ્યા. તા.૦૧/૧૦/૨૦૨૨ શનિવાર ના રોજ રાધનપુર નગરપાલિકા દ્વારા સેવા સેતુ કાર્યક્રમ આયોજન કરવામાં આવેલ તેમાં રાધનપુર નાયબ કલેકટર, રાધનપુર મામલતદાર, રાધનપુર ધારાસભ્ય રઘુભાઈ દેસાઈ, નગરપાલિકા ના પ્રમુખ કાનજીભાઈ ડી.પરમાર દ્વારા દીપ પ્રાગટય કરી લાભાર્થી ઓ માટે સેવા સેતુ કાર્યક્રમ શરૂ કરવામાં આવ્યો. આ પ્રસંગે ખુબ મોટી સંખ્યામાં રાધનપુર નગરપાલિકા વિસ્તાર ના લોકો પોતાની કામગીરી કરાવવા માટે ઊપસ્થિત રહ્યા હતા. રાધનપુર નગરપાલિકા દ્વારા નગરજનોના પ્રશ્નો તાત્કાલિક નિરાકરણ થાય તેના માટે નગરપાલિકા કક્ષાનો ગાંધી ચોક લોહાણા વાડી ખાતે સેવા સેતુ કાર્યક્રમ યોજાયો. નગરપાલિકાના પ્રમુખ નગર સેવકો સહિતના લોકો ઉપસ્થિત રહ્યા હતા.લોકોના તાત્કાલિક ધોરણે કામનો નિકાલ થાય એવી કામગીરી કરવામાં આવી.રાધનપુર નગરપાલિકાના પ્રમુખ કાનજીભાઈ પરમાર ની પ્રસંશનીય કામગીરીથી લોકોમાં ખુશી જોવા મળી હતી.
રિપોર્ટર : અનિલ રામાનુજ, રાધનપુર
