હિન્દ ન્યુઝ, આણંદ
આણંદ મહાનગરપાલિકાના કમિશનર મિલિંદ બાપનાની સુચના મુજબ આણંદ મહાનગરપાલિકા વિસ્તાર સ્વચ્છ અને સુંદઢ રહે એ માટે વિવિધ વિસ્તારોમાં સફાઈ જેવી કામગીરીને પ્રાધાન્ય આપવામાં આવી રહ્યું છે.
મહાનગરપાલિકા વિસ્તારમાં ગામડી, મોગરી, જીટોડીયા અને લાંભવેલ, બાકરોલ માં વ્યાપક સફાઈ ઝુંબેશ હાથ ધરવામાં આવી છે.
મનપા તંત્રના સેનેટરી વિભાગ દ્વારા આણંદ શહેર ઉપરાંત વલ્લભ વિદ્યાનગર, કરમસદ,ગામડી,મોગરી, જીટોડીયા અને લાંભવેલના વિવિધ વિસ્તારોમાં સફાઈ કરવામાં આવી રહી છે, જેને નાગરિકોનો વ્યાપક આવકાર મળી રહ્યો છે.
મનપા તંત્ર દ્વારા નાગરિકોમાં સ્વચ્છતા અંગે વ્યાપક જનજાગૃતિ ફેલાવવામાં આવી રહી છે.
આણંદ મનપા દ્વારા વિવિધ વિસ્તારોમાં ગટર સફાઈ, પીવાના પાણીની પાઈપલાઈન અને સ્ટ્રીટ લાઈટ મરામત કામગીરી પણ કરવામાં આવી રહી છે.
આણંદ મહાનગરપાલિકાના મેલેરિયા વિભાગ દ્વારા મચ્છરજન્ય રોગચાળાની અટકાયત માટે આણંદ શહેરી વિસ્તારમાં પોરા નાશક દવા છંટકાવની કામગીરી કરવામાં આવી છે અને ગામડીવડથી લક્ષ્મી ચાર રસ્તા સુધી ફોગીંગની કામગીરી કરવામાં આવી છે.
આ ઉપરાંત મનપાના ગામડી વિસ્તારમાં પાણીની લાઈનમાં લીકેજીસની દૂરસ્તી કામગીરી યુદ્ધના ધોરણે હાથ ધરવામાં આવી છે.
આમ, સમગ્ર આણંદ મહાનગરપાલિકા વિસ્તારમાં પોરા નાશક દવા છંટકાવની કામગીરી, ફોગિંગ અને સફાઈની કામગીરી હાથ ધરવામાં આવી છે.
