હિન્દ ન્યુઝ, ભાવનગર
સમગ્ર ગુજરાત માં જ્યારે લમ્પી વાઈરસે ભરડો લીધો છે ત્યારે ગારીયાધાર તાલુકાનાં ટીંબા ગામમાં લંપી વાઈરસનો કહેર જોવા મળ્યો હતો . જેમાં અમુક ગાયો મૃત્યુ થયા છે જેથી સમગ્ર માલધારી સમાજમાં સંકટનાં વાદળો ઘેરાણા છે .ભાવનગર જીલ્લામાં લંપી સ્કીન- ચામડીનો રોગ પશુઓમાં ઝડપથી વધી રહ્યો , તો આ રોગને નાથવા માટે પશુપાલન વિભાગનાં ડોક્ટરો પુરી મહેનત કરી રહી છે .
* લંપી-સ્કીન, ગાઠદાર રોગ કેવી રીતે થાય છે ?
લંપી સ્કીન – ગાંઠદાર ચામડીનો રોગ દૂધાળા પશુઓમાં કેપ્રી પોક્સ નામના વાઇરસથી થતો ચેપી રોગ છે. આ રોગ નો ફેલાવો મચ્છર,માખી અને ઇતરડી દ્વારા એક પશુ માથી બીજા પશુ માં ફેલાય છે. આ રોગ માં પશુ નો મૃત્યુદર ઘણો ઓછો હોય છે. પરંતુ ચેપીરોગ હોવાના કારણે ઝડપથી ફેલાય રહ્યો છે.
આ રોગ ના મુખ્ય લક્ષણો :-
• આ રોગ માં પશુઓને બે-થી ત્રણ વાર તાવ આવે છે.
• પશુઓના શરીર ઉપર કઠણ ગોળ (૨ -૫ સે.મી. ) આકાર ની ગાંઠો ઉપસી આવે છે.જે ચામડીમાં તથા ઘણી વખત સ્નાયુ સુધી ઊંડી ફેલાયેલ હોય છે.
• ગાંઠોમાં ઘણી વખત રસી થાય છે અને ચાંદા પણ થાય છે.
• અસરગ્રસ્ત પશુના મોઢામાં ગાળાના આંદર ના ભાગ માં,લસીકા ગ્રંથીમાં અને પગમાં સોજો પણ જોવા મળે છે.
• અસરગ્રસ્ત પશુમાં દૂધ ઉત્પાદનનો ઘટાડો જોવા મળે છે. પશુઓમાં વાંઝીયાપણું જોવા મળે છે. અને કોઈક વાર પશુઓનું મૃત્યુ થાય છે.
રોગ ને અટકાવવાના ઉપાયો :-
• અસરગ્રસ્ત પશુઓને અન્ય પશુઓ થી અલગ બાંધવું. પશુઓને બાંધવાની જગ્યા પર મચ્છર,માખી અને ઇતરડી રહીત હોવી જોઇએ.
• અસરગ્રસ્ત પશુઓને ખોરાક-પાણી અલગ રાખવું. અસરગ્રસ્ત પશુઓને ચરવા લઇ જવાનું ટાળવું.
• માખી-મચ્છર અને ઇતરડી ઉપદ્રવ ઓછો કરવા માટે યોગ્ય દવા નો છટકાવ કરવો.
• પશુઓને રોગ પ્રતિકારક શક્તિ વધારવા મિનરલ પાવડર ખવડાવવો.
• પશુઓને કડવા લીમડાના પાન નો સવાર-સાંજ ધુમાડો કરવો તેમજ ગરમ પાણી માં લીમડો નાખી દીવસમાં ત્રણ વાર ધમારવું.
રિપોર્ટર : નિખિલ પરમાર, ભાવનગર
