હિન્દ ન્યૂઝ, નર્મદા
નર્મદા જીલ્લાના સાગબારા તાલુકાના આમીયાર તથા નવી ફળી, આમીયાર ગામની વચ્ચે આવેલ આશ્રમ શાળા પાસે હાઈવે રોડ ના ટેકરા ઉપર કન્ટેનર નંબર -કેએ 09સી4428નો ચાલક જગન આશારામ નલોડે, રહે. માલીવાડ તા-ગંગાપુર જી. ઔરંગાબાદ (મહારાષ્ટ્ર) નાઆે ને પોતાના કન્ટેનર ને પૂર ઝડપે અને ગફલત ભરી રીતે હંકારી લાવી સામે થી કપાસ ભરીને આવી રહેલી ટ્રક નંબર એમ એચ 04એ એફ યુ 4351ની સાથે અકસ્માત કર્યો હતો. જેમાં કપાસ ભરેલી ટ્રક અને કન્ટેનર મા અચાનક આગ લાગી હતી. ટ્રક ડ્રાઇવર મૃતક મકસૂદ મોહમ્મદ જેસીમ અલી શેખ રહે નરહરિ પટી પો. વિશ્વનાથ ગંજ તા. સાદર જી, પ્રતાપગઢ તથા કન્ટેનર નો ચાલક જગન આશારામ નલોડે રહે.માલીવાડ તા.ગંગાપુર જી ઔરાગાંબાદ, ના આે આગમા ભૂજાય જવાથી સળગી મરણ ગયેલ હોય તેમજ ફરીયાદી દિલીપભાઈ ચમારીયાભાઈ રાઠવા, ની સરકારી એસટી બસ જીજે 18 ઝેડ 6212 તેમજ કપાસ ભરેલી ટ્રક નંબર એમ એચ 04/એફયુ 4351 તથા મોટર સાયકલ ભરેલ કન્ટેનર કેએ 09,સી4428 આ ત્રણેય વાહનો આગમા સંપૂર્ણ બળી જય નુકશાન થવા પામેલ હોય તેમજ આ બનાવ મા ફરીયાદી ને જમણા હાથના કાંડા પાસે ફેકચર થયેલ હોય તથા બસ કંડક્ટર મંગાભાઈ શંકરભાઈ વસાવા નાઆે તથા બસમાં સવાર પેસેન્જર નૈનેશભાઈ રાજેન્દ્રભાઈ વસાવા રહે. રાણીપૂર તા-સાગબારા જી. નર્મદા નાઆેને સામાન્ય ઈજાઓ થયેલ હોય. જે બાબતે સાગબારા પોલીસે ગુન્હો નોંધી વધુ તપાસ હાથ ધરી છે.
રિપોર્ટર : હિતેન્દ્ર વાસંદિયા, નર્મદા
