Day: October 29, 2026

હિન્દ ન્યુઝ, વડોદરા 🔸વડાપ્રધાન નરેન્દ્રભાઈ મોદીના હસ્તે ₹9.49 કરોડના ખર્ચે 47,000 ચોરસ મીટર વિસ્તારમાં વિકસાવવામાં આવેલા રેઇન ફોરેસ્ટનું લોકાર્પણ કરવામાં આવશે. એકતાનગર ખાતે વિકસિત રેઇન ફોરેસ્ટ પ્રોજેક્ટ પ્રાકૃતિક સૌંદર્ય, જૈવવિવિધતા અને ટકાઉ પ્રવાસનનો અનોખો સમન્વય રજૂ કરશે… 🔸 પ્રકૃતિના સાનિધ્યમાં પ્રવાસીઓને મળશે અનોખો અનુભવ, 220 મીટર લાંબો ગ્લાસ ડેક સ્કાયવોક બ્રિજ બનશે મુખ્ય આકર્ષણ 🔸 ભારતના પશ્ચિમ ઘાટ, હિમાલય અને આંદામાન-નિકોબારની સમૃદ્ધ અને વૈવિધ્યસભર સદાબહાર વનસ્પતિઓ એક જ સ્થળે નિહાળવાની તક મળશે 🔸 રેઇન ફોરેસ્ટનું ઇન્ફોર્મેશન સેન્ટર નકશા, ચિત્રો, માહિતીપ્રદ ડિસ્પ્લે અને QR કોડના માધ્યમથી પ્રવાસીઓને વરસાદી ફોરેસ્ટ ઇકોલોજી, જૈવવિવિધતા…

હિન્દ ન્યુઝ, વડોદરા      ગુજરાત સરકારના શ્રમ, કૌશલ્ય વિકાસ અને રોજગાર વિભાગ તેમજ રોજગાર અને તાલીમ નિયામક કચેરી હસ્તકની મદદનીશ રોજગાર નિયામક કચેરી, વડોદરા અને સરકારી આઈટીઆઈ કમલાપુરા, વાઘોડિયાના સંયુક્ત ઉપક્રમે તા. ૨૮ ઓક્ટોબર ને બુધવારના રોજ સરકારી આઈટીઆઈ, કમલાપુરા ખાતે ભવ્ય રોજગાર અને એપ્રેન્ટીસ ભરતી મેળાનું આયોજન કરવામાં આવ્યું હતું. આ ભરતી મેળામાં મેન્યુફેક્ચરિંગ સેક્ટરની ૭ અગ્રણી સંસ્થાઓ અને કંપનીઓના પ્રતિનિધિઓએ ઉત્સાહભેર ઉપસ્થિતિ આપી હતી. સંસ્થાઓ દ્વારા ઓપરેટર, જુનિયર એન્જિનિયર, મેઇન્ટેનન્સ ઓપરેટર અને ટ્રેઇની જેવી કુલ ૨૦૦ થી વધુ જગ્યાઓ માટે ઇન્ટરવ્યુ પ્રક્રિયા હાથ ધરવામાં આવી હતી. આ…

હિન્દ ન્યુઝ, મોટા વરાછા   ‘સ્વચ્છ ભારત મિશન’ અને ‘તાપી શુદ્ધિકરણ’ અંતર્ગત યુનિવર્સલ ફાઉન્ડેશન દ્વારા સુરત મહાનગરપાલિકાના ફાયર વિભાગ તથા સફાઈ વિભાગના સહયોગથી મોટા વરાછાથી ચીકુવાડી તરફ જતા અત્યંત જોખમી અને બિનરેલિંગવાળા તાપી નદી પરના બ્રિજ પર પાંચમી વખત વિશેષ સફાઈ અભિયાન હાથ ધરવામાં આવ્યું હતું.જેમાં માતાજી, ભગવાન શ્રીકૃષ્ણ, અન્ય દેવી-દેવતાઓ તેમજ પિતૃઓના ફોટોગ્રાફ્સ, મૂર્તિઓ, નાનાં લાકડાના મંદિરો, ચુંદડીઓ અને શ્રીફળ જેવી ૭૫૦ કિલો પૂજાસામગ્રી તથા કચરો એકત્ર કરી યોગ્ય નિકાલ કરાયો હતો.                 સુરત મહાનગરપાલિકા મોટા વરાછા ઝોન-એના એસ.આઈ. શ્રી ટી.બી. ભટ્ટ, એસ.એસ.આઈ.…

હિન્દ ન્યુઝ, જૂનાગઢ    વડાપ્રધાન નરેન્દ્રભાઈ મોદીના ‘વોકલ ફોર લોકલ’ ના મંત્રને સાકાર કરતો જૂનાગઢનો સ્વદેશી મેળો સ્થાનિક કારીગરો અને સખી મંડળની બહેનો માટે રોજગારી તથા આર્થિક આત્મનિર્ભરતાનું સશક્ત માધ્યમ બન્યો છે. ✨ 🧵 સીમાબેન મકવાણાની સફળતાની સફર યુસીડી (UCD) શાખા સાથે સંકળાયેલા સ્વસહાય જૂથનાં પ્રમુખ સીમાબેન મકવાણાએ મેળાના શરૂઆતના માત્ર ૪ દિવસમાં જ ₹૨૦,૦૦૦થી ₹૨૫,૦૦૦ સુધીનું વેચાણ કર્યું! 🐄 સ્વદેશી ઉત્પાદનોની વિશેષ ઓળખ ‘વૃંદાવન ગીર સ્વસહાય જૂથ’ દ્વારા ગાયના પંચગવ્ય અને ગોબરમાંથી આશરે ૫૦ જેટલી ઇકો-ફ્રેન્ડલી તથા આયુર્વેદિક પ્રોડક્ટ્સનું નિર્માણ કરવામાં આવે છે. 💪 યોજનાઓથી આત્મનિર્ભરતા તરફ પીએમ સ્વનિધિ…

હિન્દ ન્યુઝ, અમદાવાદ      કચ્છથી રાષ્ટ્રીય મંચ સુધી; સભાઈબેનની કબડ્ડીની સફર મોટા ભાડિયા પ્રાથમિક શાળા નં-2ના મેદાનથી શરૂ થઈ હતી, સતત ઉત્કૃષ્ટ પ્રદર્શનના આધારે વર્ષ 2024માં સ્પોર્ટ્સ ઓથોરિટી ઑફ ઇન્ડિયા (SAI)ના NCOE, ગાંધીનગર ખાતે તેમની પસંદગી થઈ જ્યાં તેઓ હાલ તાલીમ લઈ રહ્યાં છે. હાલ અમદાવાદ ખાતે તા. 23થી 31 ઓક્ટૉબર, 2026 દરમિયાન ‘કોમનવેલ્થ કબડ્ડી ચેમ્પિયનશિપ 2026’નું આયોજન; કચ્છના મોટા ભાડિયાના મેદાનથી લઈને કોમનવેલ્થ કબડ્ડીના વૈશ્વિક મંચ સુધીની સભાઈબેન ગઢવીની સફર DLSS જેવી પાયાની રમતગમત વિકાસ યોજનાઓની સફળતા દર્શાવે છે.

હિન્દ ન્યુઝ, વડોદરા        કેવડિયા ખાતે એકતા દિનની ઉજવણીમાં સહભાગી થવા આવેલા છતીસગઢના પ્રવાસીઓના એક સમુહે વડોદરાના ઐતિહાસિક લક્ષ્મી વિલાસ પેલેસની મુલાકાત લીધી હતી. નકસલમુક્ત થયેલા તે વિસ્તારના આ પ્રવાસીઓએ આ પૂર્વે પાવાગઢ તથા આણંદ ખાતે વિવિધ વિકાસ પ્રકલ્પો નિહાળ્યા હતા.   

હિન્દ ન્યુઝ, ડુમ્મસ  રાષ્ટ્રીય એકતા યાત્રાના સંદર્ભે ઓડિશાથી સુરતના મહેમાન બનેલા પ્રબુદ્ધ નાગરિકોના પ્રતિનિધિમંડળે સુરતના ‘ડુમસ સી ફેસ’ની ખાસ મુલાકાત લીધી હતી. દરિયાકિનારે અસ્ત થતાં સૂર્યના આહ્લાદક અને મનોરમ્ય દ્રશ્યોને ડેલિગેટ્સે પોતાના કેમેરામાં કંડારી સ્મૃતિઓ યાદગાર બનાવી હતી. સુરતની વિશ્વપ્રસિદ્ધ સ્થાનિક વાનગીઓનો સ્વાદ માણી સુરતી આતિથ્યની મુક્ત મને પ્રશંસા કરી હતી.