હિન્દ ન્યુઝ, રાજકોટ
મ્યુનિ. કમિશ્નર આનંદ પટેલ ની સૂચના અનુસાર તથા ટાઉન પ્લાનીંગ ઑફિસર એમ. ડી. સાગઠીયાના માર્ગદર્શન હેઠળ રાજકોટ મહાનગરપાલિકાની ટાઉન પ્લાનીંગ શાખા દ્વારા આજ તા.૫/૧૦/૨૦૨૩ ના રોજ શહેરના સેન્ટ્રલ ઝોન વિસ્તાર પૈકી વોર્ડ નં.૩માં સાધુવાસવાણી કુંજ રોડ પર ટી.પી. સ્કીમ નં.૧૯(રાજકોટ) નાએફ.પી.નં. ૧૩/બી, એસ.ઈ. ડબ્લ્યુ.એસ. હાઉસિંગ હેતુના અનામત પ્લોટ માંથી ૬-ઝુંપડા તથા મોહન પાર્ક વિસ્તારમાં એફ.પી.નં. ૧૬/ઈ, ગાર્ડન હેતુના અનામત પ્લોટ માંથી ૧ ટોયલેટ તેમજ વોર્ડનં.૨માં એચ.સી.જી. હોસ્પિટલ પાછળ ટી.પી. સ્કીમ નં.૯ (રાજકોટ) ના એફ.પી.નં.આર-૧, રહેણાંક વેચાણ હેતુનાં અનામત પ્લોટમાંથી ૮ ઝુંપડાનું થયેલ ગેરકાયદેસર બાંધકામ દુર કરી, અંદાજે ૬૫ કરોડની કિંમતની ૧૬,૬૧૦ ચો.મી. જમીન ખુલ્લી કરાવવામાં આવેલ છે.
આ કામગીરીમાં ટાઉન પ્લાનીંગ શાખાના સેન્ટ્રલ ઝોનનો તમામ સ્ટાફ, જગ્યા રોકાણ શાખા તથા રોશની શાખાનો સ્ટાફ સ્થળ પર હાજર રહેલ તથા આ કામગીરી દરમ્યાન સ્થાનિકે કાયદો અને વ્યવસ્થા જળવાય રહે તે માટે વિજિલન્સ શાખાનો સ્ટાફ પણ સ્થળ પર હાજર રહેલ.
