હિન્દ ન્યૂઝ, ગીર સોમનાથ
તા.૩૧, સમગ્ર ભારત દેશમાં આજે રાષ્ટ્રવ્યાપી પોલીયો નાબુદ અભિયાન અંતર્ગત ગીર સોમનાથ જિલ્લામાં ૦ થી ૫ વર્ષના બાળકોને પોલીયો રસીકરણ કરવામાં આવ્યું હતું. શિશુ મંદિર સ્કુલ વેરાવળ ખાતેથી આજે ડો.ગૌસ્વામીએ પોલીયો રસીકરણ અભિયાનનો પ્રારંભ કરાવ્યો હતો. શિશુ મંદિર શાળા બુથ નં-૨૮ માં આજે પોલીયો રસીકરણ અભિયાનનો પ્રારંભ થવાની સાથે ૧૧ માસના બાળક ધ્યેયને પોલીયોના બે ટીપા પીવડાવામાં આવ્યા હતા.
આ પ્રસંગે તાલુકા આરોગ્ય અધિકારી ચૌધરી, શિશુમંદિશ શાળાના મેનેજીંગ ટ્રસ્ટ્રી સહીતના સહભાગી થયા હતા. આ બુથ પર આંગણવાડી વર્કર મેધલબેન વાળા, હેલ્પર હંસાબેન મકવાણા, આરોગ્ય વિભાગના પારૂલબેન પુરોહિતે ફરજ બજાવી હતી. વેરાવળ સહિત જિલ્લામાં આંગણવાડી અને જાહેર સ્થળોએ પોલિયોના બે ટીપા પીવડામાં આવે છે.
