હિન્દ ન્યુઝ, ભાવનગર
ભાવનગર જિલ્લા શિક્ષણાધિકારીની કચેરી તરફથી પ્રાપ્ત થયેલા અહેવાલો મુજબ આજે સવારે ધોરણ-10માં અંગ્રેજી (S.L.) વિષયની પરીક્ષામાં નોંધાયેલાં 30,264 વિદ્યાર્થીઓ પૈકી 29,680 વિદ્યાર્થીઓએ પરીક્ષા આપી હતી. 584 વિદ્યાર્થીઓની તેમાં ગેર હાજરી નોંધાઇ હતી.
આજે બપોરે લેવાયેલી ધોરણ-12 સામાન્ય પ્રવાહમાં સમાજશાસ્ત્ર વિષયની પરીક્ષામાં નોંધાયેલા 10,163 વિદ્યાર્થીઓ પૈકી 10041 વિદ્યાર્થીઓએ પરીક્ષા આપી હતી. 122 વિદ્યાર્થીઓ તેમાં ગેરહાજર રહ્યાં હતાં. તેવી જ રીતે ધોરણ-12 વિજ્ઞાન પ્રવાહમાં ગણિત વિષયની પરીક્ષામાં નોંધાયેલા 1,766 વિદ્યાર્થીઓ પૈકી 1,752 વિદ્યાર્થીઓએ પરીક્ષા આપી હતી. 14 વિદ્યાર્થીઓ તેમાં ગેરહાજર રહ્યાં હતાં.
