હિન્દ ન્યુઝ, ભાવનગર
ગુજરાત પંચાયત સેવા પસંદગી મંડળ, ગાંધીનગર દ્વારા જાહેરાત ક્રમાંક:૧૦/૨૦૨૧-૨૨ ગ્રામ પંચાયત મંત્રી (તલાટી કમ મંત્રી) ની સ્પર્ધાત્મક લેખિત કસોટી આગામી તા.૦૭/૦૫/૨૦૨૩, રવિવારના રોજ બપોરે ૧૨-૩૦ થી ૦૧-૩૦ કલાક દરમિયાન ભાવનગર જિલ્લામાં ૯૨ પરીક્ષા કેન્દ્રો ખાતે યોજાનાર છે. જેમાં ૮૭૮ વર્ગખંડોમાં કૂલ ૨૬,૩૪૦ ઉમેદવારો આ પરીક્ષામાં ઉપસ્થિત રહેવાના છે.
આ પરીક્ષાનાં ઉમેદવારોને પરીક્ષાને લગત તમામ આનુષંગિક પુછપરછ માટે ભાવનગર જિલ્લામાં ટેલિફોનીક હેલ્પલાઇન અને કન્ટ્રોલ રૂમ શરૂ કરવામાં આવેલ છે. જેમાં તા.૦૭/૦૫/૨૩ કચેરી સમય દરમ્યાન ઉમેદવારો માટે હેલ્પલાઇન (૦૨૭૮) ૨૪૨૮૮૬૪, ૯૯૭૪૪૨૨૯૮૧, ૮૧૪૦૩૩૬૨૪૨, ૯૭૧૪૫૩૪૮૨૧ અને તા.૦૭/૦૫/૨૩ સવારનાં ૬-૦૦ કલાક થી કામગીરી પૂર્ણ થાય ત્યાં સુધી પરીક્ષાનો મુખ્ય કંન્ટ્રોલરૂમ નંબર (૦૨૭૮) ૨૪૨૮૮૬૪, ૯૫૩૭૮૯૦૨૬૨, ૯૪૨૭૫૦૩૦૯૬ બહાર પાડવામાં આવેલ છે.
