હિન્દ ન્યુઝ, રાજકોટ
ગુજરાત સરકાર દ્વારા રાજ્યના બાળકોના ઉત્તમ ભવિષ્ય માટે વિવિધ યોજનાઓ અમલી બનાવાઇ છે. વિદ્યાર્થી પોતાની આવડત અને કૌશલ્યને સાચી દિશા આપે તે માટે ઇન્ડિયન એરફોર્સ સિલેકશન મુંબઈ અને રોજગાર કચેરી, રાજકોટના સંયુક્ત ઉપક્રમે ધર્મેન્દ્ર સિંહજી આર્ટસ કોલેજ ખાતે કારકિર્દી માર્ગદર્શન સેમિનારનું આયોજન કરાયું હતું. આ સેમિનારમાં ભારતીય વાયુદળના કોર્પોરલ જયદીપસિંહ પરમાર અને સાર્જન્ટ નરેન્દ્રસિંહ શેખાવતે વિદ્યાર્થીઓને ભારતીય સશસ્ત્ર દળોમાં જોડાવા અને “અગ્નિવીર વાયુ યોજના” સહિતની કારકિર્દી ઘડતર અંગે જરૂરી તમામ માહિતી આપી હતી.
