હિન્દ ન્યુઝ, રાજકોટ
ગુજરાત રાજ્ય સ્થાપના દિન નિમિતે રાજકોટ મહાનગરપાલિકા કર્મચારી પરિષદ દ્વારા શ્રીમદ રાજચંદ્ર ફાઉન્ડેશન, રાજકોટના સહયોગ સાથે આજે તા. ૦૧-૦૫-૨૦૨૩ના રોજ ડૉ. આંબેડકર ભવન, સેન્ટ્રલ ઝોન કચેરી ખાતે મહારક્તદાન કેમ્પનું આયોજના કરવામાં આવ્યું હતું, જેમાં બપોરે ૦૧:૦૦ વાગ્યા સુધીમાં ૬૧ થી વધુ મહાનગરપાલિકાના અધિકારીઓ / કર્મચારીઓએ બ્લડ ડોનેટ કર્યું કયું. મેયર ડૉ. પ્રદિપ ડવ, સ્ટેન્ડિંગ કમિટી ચેરમેન પુષ્કરભાઇ પટેલ અને મ્યુનિ. કમિશનર આનંદ પટેલ દ્વારા બ્લડ ડોનેટ કરનાર રાજકોટ મહાનગરપાલિકાના અધિકારીઓ / કર્મચારીઓનું અભિવાદન કર્યું હતું.
રાજકોટ મહાનગરપાલિકાના નાયબ કમિશનર અનિલ ધામેલિયા, સુરક્ષા અધિકારી આર. બી ઝાલા, આસી. મેનેજર વત્સલ પટેલ સહિતના અધિકારીઓ/કર્મચારીઓ દ્વારા થેલેસિમિયાગ્રસ્ત બાળકો માટે રક્તદાન કેમ્પ કરી બહોળી સંખ્યામાં બ્લડ ડોનેટ કર્યું હતું. આ કેમ્પમાં રાજકોટ મહાનગરપાલિકાના આરોગ્ય વિભાગ દ્વારા તમામ કર્મચારીઓના પ્રાથમિક આરોગ્યની પણ ચકાસણી કરી આપવામાં આવી હતી.
