હિન્દ ન્યુઝ, ગીર સોમનાથ
વિધાનસભા ચૂંટણીમાં ભારતીય ચૂંટણી પંચે વિવિધ વર્ગોના મતદારોને પ્રેરિત કરવા તથા સુવિધા આપવા માટે અલગ-અલગ વિશિષ્ટ મતદાર મથક તૈયાર કર્યા છે. જે અન્વયે ગીર સોમનાથ જિલ્લામાં પણ ૪ વિધાનસભા મતવિસ્તારમાં ૨૮ ‘સખી મતદાન મથકો‘ ઉભા કરવામાં આવશે. જે માત્ર મહિલા સંચાલિત મતદાન મથક જ હશે.
જિલ્લામાં મહિલાઓને વધુમાં વધુ મતદાન કરવા માટે પ્રેરણા મળી રહે તે માટે જિલ્લા ચૂંટણી અધિકારી અને કલેક્ટર આર.જી.ગોહીલના માર્ગદર્શન હેઠળ વિધાનસભાદીઠ સાત-સાત મહિલા મતદાન મથકો તૈયાર કરાયા છે. આ સખી મતદાન મથકોમાં માત્ર મહિલાઓ ચૂંટણીલક્ષી તમામ ફરજ બજાવશે.
સખી મતદાન મથક અંતર્ગત ૯૦-સોમનાથમાં ૬૩ વેરાવળ-૧, ૬૮ વેરાવળ-૬, ૮૭-વેરાવળ-૨૫, ૮૮ વેરાવળ-૨૬, ૯૬ વેરાવળ-૩૪, ૧૨૧ વેરાવળ-૫૯, ૧૨૩ વેરાવળ-૬૧ સખી મતદાન મથક ઉભા કરવામાં આવ્યા છે. ૯૧-તાલાળા મતવિસ્તારમાં ૫૨ તાલાળા-૬, ૫૪ તાલાળા-૮, ૫૫ તાલાળા-૯, ૬૩ તાલાળા-૧૭, ૧૬૦ લાટી-૩, ૧૯૯ સુત્રાપાડા-૧૩, ૨૦૧ સુત્રાપાડા-૧૫ સખી મતદાન મથકો તૈયાર કરાશે.
ઉપરાંત ૯૨-કોડીનાર વિધાનસભા વિસ્તારમાં ૯૦ કોડીનાર-૪, ૯૧ કોડીનાર-૫, ૧૦૨ કોડીનાર-૧૬, ૧૦૩ કોડીનાર-૧૭, ૧૦૬ કોડીનાર-૨૦, ૧૦૭ કોડીનાર-૨૧, તેમજ ૧૧૨ કોડીનાર-૨૬ સખી મતદાન મથકો બનશે. જ્યારે ૯૩-ઉનામાં ૧૩૪ ઉના-૧૪, ૧૩૮ ઉના-૧૮, ૧૩૯ ઉના-૧૯, ૧૪૦ ઉના-૨૦, ૧૪૧ ઉના-૨૧, ૧૪૨ ઉના-૨૨, ૧૪૩ ઉના-૨૩માં સખી મતદાન મથકો ઉભા કરવામાં આવશે.