અમરેલી,
અમરેલીના બગસરા તાલુકા ના સાપર ગામ તરફ જવાના રસ્તા પર આવેલી વાડીમાં ભારતીય બનાવટના ઇંગ્લીશ દારૂનો વેપાર થતો હોવાની બાતમીના આધારે બગસરા પોલીસ સ્ટેશનના ઇન્ચાર્જ પીઆઇ એચ.કે. મકવાણા અને જિલ્લાના એસ.પી તેમજ ડીવાયએસપી રાણાના માર્ગદર્શન હેઠળ બગસરા થી સાપર જતા રસ્તા પર આવેલી વાડીમાં ભારતીય બનાવટના ઈંગ્લીશ દારૂનો વેપાર કરતા ખુશાલ બાવચંદભાઈ અકબરી, બાવલો રવજી ભાઈ અકબરી તેમજ દારૂની ખરીદી કરવા આવેલા રવિ કિશોર ગોહિલ, ભગીરથ વિઠ્ઠલ જોધાણી રહેવાસી બગસરા બંને પાસેથી એક બોટલ તેમજ વાડીના રૂમની અંદર થી 20 બોટલો ઈંગ્લીશ દારૂની તેમજ દારૂ લેવા આવેલા ગ્રાહકના વાહનો મોબાઈલ તેમજ બાગબાન તમાકુ બનાવવાનું મશીન તેમજ બાગબાન ના પેકેટો કબજે કરી બગસરા પોલીસ કાયદેસરની કાર્યવાહી હાથ ધરી છે. આ ગેરકાયદેસર પ્રવૃત્તિ ને નાથવા બગસરા પોલીસ સ્ટેશનના પીએસઆઇ યુ એફ રાવલ, જમાદાર જયસિંગ ભાઈ ડામોર, રવિ દાન ગઢવી, માયાભાઈ આહીર , સુરેશ ભાઈ ધાધલ, યોગેશભાઈ પરમાર, જયપાલ સિંહ સોલંકી, જયરાજ ભાઈ વાળા બગસરા પોલીસ સ્ટેશનના પોલીસ સ્ટાફ દ્વારા ફરજ બજાવવામાં આવી હતી.
રિપોર્ટર : મનજી પરમાર, બગસરા
