હિન્દ ન્યુઝ, રાજકોટ
રાજકોટ જિલ્લાના જસદણ તાલુકામાં પાચવડા ગામે વિકાસ સપ્તાહ કાર્યક્રમની ઉજવણી કરવામાં આવી હતી. જેમાં બાળકો દ્વારા સાંસ્કૃતિક કૃતિ રજૂ કરવામાં આવી હતી. આંગણવાડી વર્કર્સ દ્વારા વિકાસના ત્રેવીસ વર્ષ દરમિયાન આઈ.સી.ડી.એસ. (સંકલિત બાળવિકાસ યોજના કચેરી) વિભાગની કામગીરીમાં આવેલા પરિવર્તન અને પ્રગતિ અંગે નાટક અને ગરબો પ્રસ્તુત કરવામાં આવ્યાં હતાં.
શ્રેષ્ઠ કામગીરી બદલ બાળકોના વાલીઓ અને આંગણવાડીના બહેનોને સન્માનિત કરવામાં આવ્યા હતા. આંગણવાડી બાળવિકાસ યોજના અધિકારી દ્વારા આઈ.સી.ડી.એસ. વિભાગમાં થયેલા વિકાસ અંગે માહિતી આપવામાં આવી હતી.
