હિન્દ ન્યુઝ, ડાંગ
ઐતિહાસિક અને ભાતિગળ લોક સંસ્કૃતિને ઉજાગર કરતાં ‘ડાંગ દરબાર’ની સવારી આહવાના આંગણે આવી પહોંચી છે. ત્યારે જિલ્લા વહીવટી તંત્ર દ્વારા તેની તડામાર તૈયારીઓ શરૂ કરી દેવામાં આવી છે.
ડાંગ કલેક્ટર સુ શાલિની દુહાનના અધ્યક્ષ સ્થાને ‘ડાંગ દરબાર’ આયોજન અને વ્યવસ્થા સંદર્ભે રચાયેલી વિવિધ સમિતિઓની કામગીરીની સમીક્ષા બેઠકને સંબોધતા કલેક્ટરએ, આ ઐતિહાસિક અને ભાતિગળ લોકમેળાની ગરિમા અનુસાર સૌ અમલીકરણ અધિકારીઓને તેમના હસ્તકની કામગીરી પૂર્ણ કરવા અંગે ઉપયોગી માર્ગદર્શન પુરૂ પાડ્યું હતું.
કલેક્ટરએ તા.૨૬ ફેબ્રુઆરી થી ૩ માર્ચ સુધી આયોજિત ‘ડાંગ દરબાર’ના કાર્યક્રમને વધુ લોકભોગ્ય બનાવવાના પ્રયાસોની હિમાયત કરતાં અમલીકરણ અધિકારીશ્રીઓ સહિત ઉપસ્થિત વાસુર્ણા, લીંગા, અને દહેરના રાજવીઓ સાથે પણ જરૂરી પરામર્શ કરી તેમના ઉપયોગી સૂચનો મેળવ્યા હતા.
બેઠકમાં જિલ્લા વિકાસ અધિકારી કે.એસ.વાસાવા વસાવા સહિત પ્રયોજના વહીવટદાર આનંદ પાટિલ, નિવાસી અધિક કલેક્ટર શિવાજી તબિયાર, સંબંધિત સમિતિઓના નોડલ અધિકારીઓ વિગેરે ઉપસ્થિત રહી ચર્ચામાં ભાગ લીધો હતો.
