હિન્દ ન્યુઝ, રાજકોટ
સામાજિક ન્યાય અને અધિકારીતા, મહિલા અને બાળ કલ્યાણ વિભાગના મંત્રી ભાનુબેન બાબરીયાએ રાજકોટના વોર્ડ નંબર-૧૧માં વિકાસના કામનું ખાતમુહૂર્ત કર્યું હતું. મંત્રીએ વોર્ડ નં.૧૧, વગડ ચોકડી, પાળ રોડ ખાતેના વગડ ચોકથી કનૈયા પાર્ટી પ્લોટના નવા સી.સી રોડનો શુભારંભ કરાવ્યો હતો.
મહાનગરપાલિકા હસ્તકનો આ રોડ રૂ.૬.૭૪ કરોડથી વધુ રકમના ખર્ચે બનશે. રોડ બનવાથી મવડી, અંબિકા ટાઉનશીપ તથા આ વિસ્તારની સોસાયટી તેમજ આસપાસનાં ઔદ્યોગિક વિસ્તારના લોકોને ફાયદો થશે. આ કામ આશરે ૧૩૦૦ રનિંગ મીટર લંબાઇમાં તેમજ ૧૫ મીટર પહોળાઈમાં કરવામાં આવશે.
