હિન્દ ન્યુઝ, છોટાઉદેપુર
રાજયના ખેડૂતોને સનેડો કૃષિ સાધનની ખરીદી ઉપર નાણાકીય સહાય આપવાની યોજના હેઠલ મહત્તમ લાભ મળી રહે તે આશયથી વર્ષ ૨૦૨૩-૨૪ અંતર્ગત આ યોજના માટે આઈ ખેડૂત પોર્ટલ પર “ખેડૂતોને સનેડો કૃષિ સાધનની ખરીદી ઉપર નાણાકીય સહાય આપવાની યોજના”માટે ઓનલાઈન અરજીઓ તા.૨૯/૧૨/૨૦૨૩ ના રોજ સવારે ૧૦:૩૦ કલાકે થી તા.૨૮-૦૧-૨૦૨૪ સુધી સ્વીકારવામાં આવશે.આ વર્ષે અરજીઓ મેળવવા બાબતે જે તે તાલુકાના નાનાકીય લક્ષ્યાંકની ૧૧૦% મર્યાદામાં વહેલા તે પહેલાના ધોરણે અરજીઓ ઓનલાઇન થાય તે મુજબ નક્કી થયેલ છે જે ઘ્યાને લઇ અત્રેના જિલ્લાના ખેડૂતોએ “ખેડૂતોને સનેડો કૃષિ સાધનની ખરીદી ઉપર નાણાંકીય સહાય આપવાની યોજના”માં લાભ મેળવવા માગતા હોય તેમણે અરજી વખતે ૮-અ,આધારકાર્ડની નકલ અને બેન્ક પાસબુકની નકલ રાખવાની રહેશે અને ઓનલાઇન અરજી કરી, અરજીની નકલ પોતાની પાસે રાખવા માટે જિલ્લા ખેતીવાડી અધિકારી છોટાઉદેપુરની અખબારી યાદીમાં જણાવ્યું છે.
