હિન્દ ન્યુઝ, ભાવનગર
શ્રી સરદાર વલ્લભભાઇ પટેલની જન્મજયંતી નિમિતે તા .૩૧ ઓકટોબરના દિવસને રાષ્ટ્રીય એકતા દિવસ તરીકે ઉજવવામાં આવે છે. આ દિવસની ઉજવણીના ભાગ રૂપે સર તખ્તસિંહજી હોસ્પિટલ ખાતે તા. ૩૧/૧૦/૨૦૨૨ ના રોજ બન્સ વોર્ડની ઉપર, સેમિનાર હોલ ખાતે રાષ્ટ્રીય એકતા દિવસની ઉજવણી કરવામાં આવી હતી
આ ઉજવણીના ભાગ રૂપે હોસ્પિટલના અધિકારીઓ અને કર્મચારીશ્રીઓ ઉપસ્થિત રહ્યા હતા. તેઓ દ્વારા રાષ્ટ્રની એકતા, અખંડતા અને સુરક્ષા માટે રાષ્ટ્રીય એકતા દિવસ શપથ લેવામાં આવેલ હતી.
આ ઉપરાંત મોરબી ખાતે બનેલ દુર્ધટનામાં મૃત્યુ પામેલા દિવંગત આત્માઓને શાંતિ આપવા માટે બે મિનિટનું મૌન પાળી મૃતકોના દિવગંત આત્માને શ્રધ્ધાંજલી અર્પણ કરવામાં આવી હતી.
બ્યુરો ચીફ (ભાવનગર) : ડો. હકીમ ઝવેરી
