હિન્દ ન્યૂઝ, નિકાવા
કાલાવડ તાલુકાના નિકાવા ગામનું હાઈવે રોડ પર બસ સ્ટેન્ડ આવેલ છે જ્યાં હાલ જ રાજકોટ બાજુથી આવેલ ટ્રક નંબર GJ25U 5577 ના ડ્રાઈવર પોતાનો ટ્રક ચાલુ રાખીને પાણી પિવા માટે ઉતરતાજ અચાનક ગેરમાં પડી જતા ડ્રાઈવર વિનાનો ટ્રક રોડ પર દૌડવા લાગતા નાશભાગ મચી ગયો હતો અને જોત જોતામાં સાઇડમાં ઉભી ફોરવિલ GJ10AP 6326 તેમજ ત્રણ હોન્ડા GJ10CR 9116, GJ10S 2792 તેમજ GJ03FA 8219 ને હડફેટે લીધા હતા. પરંતુ આગળ ઝાડ હોવાથી તેમાં ટકરાઈને ટ્રક થંભી જતા સદનસીબે જાનહાનિ ટળી હતી. આ ઘટનાથી લોકોના ટોળા એકઠા થઇ ગયા હતા.
અહેવાલ : ભોજાભાઈ ટોયટા, નિકાવા
