હિન્દ ન્યુઝ, અંજાર
આગામી દિવાળીના પર્વ દરમ્યાન અંજાર શહેરમાં અને શહેરની બહાર ખુલ્લા મેદાનમાં ફટાકડા વેચાણ માટે હંગામી લાયસન્સ આપવાના રહે છે. આ માટે જેઓ હંગામી લાયસન્સ મેળવવા માંગતા હોય તેઓએ આ મામલતદાર કચેરી અંજાર માંથી નિયત અરજી ફોર્મ મેળવી, નિયત નમુનાનું સોગંદનામુ. નિયત સ્ક્રુટીની ફી અને લાયસન્સ ફીના ચલણ સાથેની ધોરણસરની અરજી મામલતદાર કચેરી અંજાર ખાતે તા.૨૫/૧૦/૨૦૨૬ સુધીમાં કચેરી સમય દરમ્યાન જમા કરાવવાની રહેશે. ત્યારબાદ આવેલ અરજીઓ ધ્યાને લેવામાં આવશે નહી તેમ એકઝીક્યુટીવ મેજીસ્ટ્રેટ અને મામલતદાર,અંજારની અખબારી યાદીમાં જણાવાયું છે.
