હિન્દ ન્યુઝ, પાદરા
પ્રાકૃતિક ખેતી ક્ષેત્રે આગવી ઓળખ ઊભી કરતા વડોદરાના પાદરા તાલુકાના ગણપતપુરા ગામના ખેડૂત ગિરીશભાઈ
તેઓને ATMA અંતર્ગત વર્ષ 2025માં તાલુકા અને 2026માં જિલ્લા કક્ષાના શ્રેષ્ઠ ખેડૂત તરીકે એવોર્ડથી બિરદાવવામાં આવ્યા; તેમની જમીનમાં રીંગણ, ભીંડા, કારેલાં, પરવળ, ચોળી, મેથી, પાલક સહિતની શાકભાજીનું વાવેતર તેમજ જામફળ, ચીકુ જેવાં ફળોનું ઉત્પાદન પણ કરવામાં આવે છે.
ખેડૂત ગિરીશભાઈ પ્રાકૃતિક ખેતીને માત્ર પાક ઉગાડવાની પદ્ધતિ તરીકે નહીં, પરંતુ જમીનની ગુણવત્તા જાળવવા અને ખેતીને વધુ ટકાઉ બનાવવાના અભિગમ તરીકે જુએ છે; અત્યાર સુધીમાં તેઓ છ અન્ય ખેડૂતોને પ્રાકૃતિક ખેતી અપનાવવા માટે પ્રેરિત કરી ચૂક્યા છે.
આ સફરમાં ATMA અને સરકારની કૃષિલક્ષી યોજનાઓના સહયોગથી તેમને પ્રોત્સાહન મળ્યું છે.
