હિન્દ ન્યુઝ, ડાંગ
ડાંગ જિલ્લા માહિતી કચેરી, આહવા ખાતે ફરજ બજાવતા કર્મયોગી શ્રી ઝીણીયાભાઇ ગામીત તારીખ ૩૦-૬-૨૦૨૬ ના રોજ વયનિવૃત થતા ડાંગ માહિતી પરિવાર દ્વારા તેઓને ભાવભીનું વિદાયમાન આપવામાં આવ્યું હતું.
🔹 સેવા સફર અને કાર્યક્રમની ઝાંખી:
૩૬ વર્ષની અનન્ય સેવા: ઝીણાભાઇ ગામીતે ૩૬ વર્ષથી વધુ સમય સુધી માહિતી ખાતામાં પોતાની પ્રશંસનીય સેવા આપી છે. તેમણે સોનગઢથી શરૂઆત કરી દાહોદ, આમોદ અને છેલ્લા ૨૭ વર્ષથી ડાંગ જિલ્લા માહિતી કચેરી ખાતે ફરજ બજાવી છે.
🔹શુભેચ્છાઓનો વરસાદ: ઇન્ચાર્જ સહાયક માહિતી નિયામક શ્રી મનોજ ખેંગાર સહિત સમગ્ર સ્ટાફ દ્વારા શ્રી ગામીતને શાલ ઓઢાડી અને પુષ્પગુચ્છ અર્પણ કરી સન્માનિત કરાયા હતા તથા તેમના સ્વસ્થ અને નિરોગી નિવૃત્ત જીવનની મંગલ કામનાઓ કરાઈ હતી.
🔹જૂના સંસ્મરણો: ગામીતે તેમની દીર્ઘકાલીન ફરજ પ્રત્યેની કાર્યનિષ્ઠા સાથે જૂના સંસ્મરણો વાગોળ્યા હતા અને કચેરીના પરિવાર જેવા વાતાવરણ બદલ સૌનો આભાર વ્યક્ત કર્યો હતો.
🔹ઉચ્ચ અધિકારીઓની શુભેચ્છાઓ: આ પ્રસંગે રાજ્યકક્ષાની સમીક્ષા બેઠક દરમિયાન માહિતી કમિશ્નર શ્રી કે.એલ.બચાણી તેમજ દક્ષિણ ગુજરાત ઝોનના સંયુક્ત માહિતી નિયામક અરવિંદ મછારે પણ વિડિયો કોન્ફરન્સના માધ્યમથી ગામીતને નિવૃત્તિની હાર્દિક શુભેચ્છાઓ પાઠવી હતી.
🤝 “સેવા નિવૃત્તિ, પણ સ્નેહ સદાકાળ”
ડાંગ માહિતી પરિવાર તરફથી શ્રી ઝીણીયાભાઇ ગામીતને સુખી, સમૃદ્ધ અને સ્વસ્થ નિવૃત્ત જીવનની અનંત શુભકામનાઓ!
