હિન્દ ન્યુઝ, ભાવનગર
આજે ભાવનગર કલેકટર કચેરીના સભાખંડ ખાતે નિવાસી અધિક કલેકટર એન. ડી. ગોવાણીના અધ્યક્ષસ્થાને જિલ્લા જળ અને સ્વચ્છતા સમિતિની ૬૫ મી બેઠક યોજાઈ હતી.
આ બેઠકમાં નિવાસી અધિક કલેકટર એન. ડી. ગોવાણીએ ગત બેઠકની કાર્યવાહી નોંધને બહાલી આપવાની સાથે ભાવનગરના મહુવા તાલુકાના ચોકવા ગામે અંદાજીત રૂ. ૯.૭૩ લાખના ખર્ચે ૧.૯૦ લાખની ક્ષમતા ધરાવતાં સ્ટોરેજ સંપ બનાવવાના કામને સૈદ્ધાંતિક મંજૂરી આપવામાં આવી હતી. તેમજ “હર ઘર જલ” સર્ટિફિકેશનની કામગીરી, બાકી ઓડીટ, પાણી વેરા વસુલાત, પાણી પુરવઠાને લગતી ફરિયાદોનું કરવામાં આવેલ નિવારણ સહિત વાસ્મો અંતર્ગત ચાલી રહેલી યોજનાકીય કામગીરીની સમીક્ષા કરવામાં આવી હતી.
આ બેઠકમાં જિલ્લા ગ્રામ વિકાસ એજન્સીના નિયામક જયશ્રીબેન જરુ, વાસ્મોના યુનિટ મેનેજર આર. વી. ડોંડા, સિંચાઈ વિભાગના કાર્યપાલક ઈજનેર આશિષભાઈ બાલધિયા, SBM-Gના ડિસ્ટ્રીક્ટ કો ઓર્ડીનેટર અચ્યુતભાઈ રાજ્યગુરુ સહિત સમિતિના અમલીકરણ સભ્યો ઉપસ્થિત રહ્યા હતા.
