હિન્દ ન્યુઝ, બોટાદ
જિલ્લા ક્ષય કેન્દ્ર-બોટાદ ખાતે NTEP પ્રોગ્રામ અંતર્ગત ૧૧ માસના કરારના ધોરણે જગ્યા ભરવા અરજી આરોગ્ય સાથી સોફ્ટવેરની લિંક https://arogyasathi.gujarat.gov.in પર તા.૦૭/૦૭/૨૦૨૫ના રોજ બપોરે ૧૨:૦૦ કલાકથી તા.૨૧/૦૭/૨૦૨૫ નાં રોજ રાત્રે ૧૧:૫૯ કલાક સુધી (દિન-૧૫ માં) ઓનલાઇન અરજી કરવાની રહેશે.
લેબોરેટરી ટેકનીશીયનની ૧ જગ્યા માટે શૈક્ષણિક લાયકાત ઇન્ટર મીડીયેટ ૧૦+૨ અને મેડીકલ લેબોરેટરી ટેકનોલોજીનો અથવા તેને સમકક્ષ ડિપ્લોમાં અથવા સર્ટીફાઇડ કોર્ષ, ઉમેદવારની ઉંમર ૪૦ વર્ષથી વધુ ઉમર ન હોવી જોઈએ. વિશેષ લાયકાતમાં એક વર્ષનો એન.ટી.ઇ.પી. અથવા સ્પુટમ માઇક્રોસ્કોપીનો અનુભવ, ગ્રેજ્યુએટ અને અન્ય લાયકાતને પ્રાથમિકતા આપવામાં આવશે. બેઝીક કોમ્પ્યુટર નોલેજ હોવું જરૂરી છે. માસિક પગાર: ૨૦,૦૦૦/- રહેશે.
ઓનલાઈન ફોર્મ ભરવા અંગેની અગત્યની સૂચનાઓ- ઉમેદવારની ફક્ત ઓનલાઈન https://arogyasathi.gujarat.gov.in પર કરેલ અરજી જ સ્વીકારવામાં આવશે.તથા સાદી ટપાલ/ કુરિયર/ રૂબરૂ/સ્પીડપોસ્ટ/ આર.પી.એ.ડી.થી આવેલ અરજીઓ રદ ગણવામાં આવશે.સુવાંચ્ય અને સ્પષ્ટ દેખાય તે રીતે ઓરિજનલ ડોક્યુમેન્ટની ફોટોકોપી સોફ્ટવેરમાં ફરજીયાત અપલોડ કરવાની રહેશે. જો અસ્પષ્ટ, ન વંચાય તેવા
ડોક્યુમેન્ટ અપલોડ કરેલા હશે તો તેવી અરજી રદ ગણવામાં આવશે. અધુરી વિગતો વાળી અરજીઓ અમાન્ય રહેશે.
ઉક્ત તમામ જગ્યાઓ માટેનો પત્ર વ્યવહાર અત્રેની કચેરી દ્વારા ફક્ત ઈ-મેઈલ દ્વારા જ કરવામાં આવશે જેથી તમામ ઉમેદવારોએ ઈ-મેઈલ આઈ-ડી ખાસ કરીને હાલ કાર્યરત હોય તે જ નાખવાનું રહેશે.નિમણુકને લગત જેવા કે જગ્યામાં વધારો કે ઘટાડો કરવો કે ભરતી પ્રક્રિયા રદ કરવી તેનો તમામ આખરી નિર્ણય મિશન ડાયરેક્ટર અને મુખ્ય જિલ્લા આરોગ્ય અધિકારી, બોટાદનો રહેશે.
