હિન્દ ન્યુઝ, રાજકોટ
દેશમાં દર વર્ષ ૭મી ડિસેમ્બરે “સશસ્ત્ર સેના ધ્વજ દિન” ઉજવવામા આવે છે. દેશની સુરક્ષા માટે પોતાનુ જીવન સમર્પિત કરનારા વીર સૈનિકો અને તેઓના પરિવારજનોનુ આ દિવસે અભિવાદન કરવામાં આવે છે. ત્યારે રાજકોટ જિલ્લા કલેકટર પ્રભવ જોશીએ કલેકટર કચેરી ખાતે સશસ્ત્ર સેના ધ્વજ દિન નિમિત્તે ફાળો એકત્ર કરવા જિલ્લાના અધિકારીઓને અપીલ કરી હતી.
સશસ્ત્ર સેના ધ્વજદિન ફાળાની અકત્રીત થયેલ રકમ કલેક્ટર અને પ્રમુખ, એએફએફડી ફંડ એકાઉન્ટ, રાજકોટના નામનો ડ્રાફટ/ચેક તા.૧૫/૦૩/૨૦૨૫ પહેલા જિલ્લા સૈનિક કલ્યાણ અને પુનર્વસવાટ કચેરી c/o માજી સૈનિક આરામ ગૃહ પોલીસ હેડ કવાર્ટરની સામે રાજકોટ મોકલી આપવા જણાવ્યું છે. અથવા “કલેક્ટર અને પ્રમુખ, એએફએફડી ફંડ, રાજકોટના સ્ટેટ બેન્ક ઓફ ઈન્ડિયાના ખાતા નંબર ૩૩૮૧૪૩૩૧૫૫૮ રેસકોર્ષ રોડ બ્રાંચ રાજકોટ (IFSC Code: SBIN0060292) માં સીધા કોર બેંકીંગ/નેટ બેંકીંગ/પેટીએમ/ગૂગલ પે/ભીમ એપ દ્વારા પણ જમા કરાવી અને તેમના પરિવારો માટે આર્થિક સહયોગ કરવા નાગરિકોને અપીલ કરવામાં આવી છે.
