હિન્દ ન્યુઝ, ભાવનગર
ભાવનગરમાં આજે ૧૦મા આંતરરાષ્ટ્રીય યોગ દિવસની જિલ્લા કક્ષાની ઉજવણી સરદાર પટેલ સિદસર રોડ પર આવેલા સ્પોર્ટ્સ કોમ્પ્લેક્સ ખાતે કરવામાં આવી હતી.
જિલ્લા પંચાયત પ્રમુખ રૈયાબહેન આ ઉજવણીમાં વિશાળ સંખ્યામાં નાગરિકો જોડાયા હતા અને યોગ કર્યા હતા. આ વર્ષે “સ્વયં અને સમાજ માટે યોગ” થીમ હેઠળ ઉજવણી કરવામાં આવી છે.
આ તકે જિલ્લા કલેકટર આર. કે. મહેતા એ જણાવ્યું હતું કે યોગ ભારતીય સંસ્કૃતિનો અગત્યનો ભાગ બન્યો છે. યોગ સ્વસ્થ અને નિરોગી જીવન જીવવા માટેનું મહત્વનું પાસું છે. આજે ગુજરાત સહિત ભાવનગરમાં અનેક આઇકોનિક સ્થળોએ યોગ દિવસની ઉજવણી કરવામાં આવી છે.
વધુમાં જણાવ્યું હતું કે વડાપ્રધાનએ સંયુક્ત રાષ્ટ્રસંઘમાં યોગ દિવસની ઉજવણી માટે મૂકેલા પ્રસ્તાવને સમગ્ર વિશ્વે સ્વિકારી પ્રતિ વર્ષ ૨૧મી જૂનનાં રોજ આંતરરાષ્ટ્રીય યોગ દિવસ મનાવવાની સ્વિકૃતિ આપી હતી. ભારતીય સંસ્કૃતિની આ પરંપરાના ફાયદા સ્વિકારીને સમગ્ર વિશ્વ ૨૧મી જૂનના રોજ યોગમય બને છે.
આ અવસરે વડાપ્રધાન નરેન્દ્રભાઇ મોદીએ કાશ્મીરનાં શ્રીનગરથી તેમજ મુખ્યમંત્રી ભૂપેન્દ્રભાઈ પટેલ નડાબેટ બનાસકાંઠાથી જીવંત પ્રસારણ દ્વારા જોડાઇ સંબોધન આપ્યુ હતુ.
આ કાર્યક્રમમાં જિલ્લા પંચાયત પ્રમુખ શ્રીમતી રૈયાબેન મિયાણી, ધારાસભ્ય જીતુભાઈ વાઘાણી, મહારાજા કૃષ્ણકુમાર યુનિવર્સિટીના વાઇસ ચાન્સેલર એમ. એમ. ત્રિવેદી, રિજિયોનલ કમિશનર ઓફ મ્યુનિસિપાલિટીઝ ડી. એમ. સોલંકી, પ્રોબેશનરી આઇ. એ. એસ.અધિકારી આયુષી જૈન, પોલીસ અધિક્ષક ડો. હર્ષદ પટેલ, નિવાસી અધિક કલેકટર એન. ડી. ગોવાણી, અધિક કલેક્ટર ડી. એન. સતાણી, ડી.આર.ડી.એ. નિયામકશ્રી જયશ્રીબહેન જરૂ, પ્રાંત અધિકારી એચ. એમ. ઝણકાટ, જિલ્લા રમત વિકાસ અધિકારી દિવ્યરાજ બારીઆ, જિલ્લા યુવા વિકાસ અધિકારી હિતેશ મેસવાણીયા, સહિતના પદાધિકારીઓ-અધિકારીઓ, યોગ સાધકો તેમજ બહોળી સંખ્યામાં ભાવનગરની યોગપ્રેમી જનતા ઉપસ્થિત રહ્યાં હતાં.
Advt.
