હિન્દ ન્યુઝ, ગીર સોમનાથ
જિલ્લા કલેક્ટર એચ.કે.વઢવાણિયા તેમજ જિલ્લા વિકાસ અધિકારી રવિન્દ્ર ખતાલેની આગેવાનીમાં ગીર સોમનાથ જિલ્લામાં સ્વચ્છતા અભિયાન પૂરજોશમાં ચાલી રહ્યું છે. આ સ્વચ્છતા અભિયાન અંતર્ગત તા.૨૩ ઓક્ટોબરથી તા. ૨૮ ઓક્ટોબર સુધી તમામ શૈક્ષણિક સંસ્થાઓ, યુનિવર્સિટી બિલ્ડિંગ, શાળા, આંગણવાડી અને કોલેજોમાં સફાઈ કરવામાં આવશે.
થીમ આધારીત સ્વચ્છતા હિ સેવા કેમ્પેઇન અંતર્ગત વેરાવળ પાટણ સંયુક્ત નગરપાલિકાના સફાઇ કર્મચારીઓ દ્વારા શહેરની શાળા, કોલેજોના કેમ્પસ અને સંસ્કૃત યુનવર્સિટી કેમ્પસની સાફ સફાઈ તેમજ આજુબાજુના વિસ્તારની સફાઈ કામગીરી કરવામાં આવી હતી.
આ ઉપરાંત સ્વચ્છતા એજ સેવા કાર્યક્રમ અંતર્ગત વેરાવળ પાટણ સંયુક્ત નગરપાલિકા સેનીટેશન શાખાના કર્મચારીઓ દ્વારા શહેરી વિસ્તારમા આવેલ વિવિધ ધાર્મિક સ્થળો તથા આસપાસની જગ્યાઓ, શહેરના તમામ મેઇન તેમજ અંતરિયાળ ભાગના રોડ-રસ્તાની સફાઇ પણ કરવામાં આવી હતી.