હિન્દ ન્યુઝ, બોટાદ
ઝમરાળા ડી.વી.સુતરિયા કે.વ.શાળા ખાતે આજ રોજ શાળા પ્રવેશોત્સવ કન્યા કેળવણી મહોત્સવની શાનદાર ઉજવણી કરવામાં આવી હતી.
આ કાર્યક્રમની શુભ શરૂઆત મહેનામઓના સ્વાગત સાથે ધો.૧ માં પ્રવેશ લેતા બાળકોનું ઢોલ નગારા સાથે સ્વાગત અને પુષ્પવર્ષા કરી હતી. મહેમાનઓના હસ્તે દીપ પ્રાગટ્ય કરી કાર્યક્રમની શરૂઆત કરી હતી.
આ કાર્યક્રમમાં બોટાદ જિલ્લા નિરીક્ષક સ્થાનિક ભંડૉળ હિસાબ જે.જે.ત્રિવેદીએ ધો-૧ માં પ્રવેશ પામનારા ભુલકાઓને પુસ્તકો અને કીટ્સનું વિતરણ કરીને સ્વાગત કર્યુ તેમજ દહેજ પ્રતિબંધક સંરક્ષણ અધિકારી હેતલબેન દવેએ પ્રેરક ઉદ્દ્બોધન કર્યું હતું. આ પ્રસંગે તેજસ્વી તારલાઓનું તથા દાતાઓનું સન્માન કરવામાં આવ્યું હતું. અંતમા શાળાના મેદાનમાં મહાનુભાવો દ્વારા વૃક્ષારોપણ પણ કરવામાં આવ્યું હતું.bઆ કાર્યક્રમના અંતે આભારવિધિ શાળાના આચાર્ય કલ્પેશભાઈ દસાડીયાએ કરી હતી. આ પ્રસંગે સરપંચ તથા ગ્રામજનો મોટી સંખ્યામાં ઉપસ્થિત રહ્યા હતા.
રિપોર્ટર : સંજય ડણીયા, બોટાદ
