હિન્દ ન્યૂઝ, માંગરોળ (સુરત)
માંગરોળ સ્ટેશન રોડ ઉપર આવેલ ડોક્ટર આશાબેન નાયકના કમ્પાઉન્ડમાંના ઝાડ પર પ્રથમવાર ચિલોડો નામનું પક્ષી જોવા મળતાં લોકોએ એને નિહાળી દુર્લભ ગણાતાં આ પક્ષીને જોઈ આનંદ લીધો હતો. ઘણાં પક્ષીઓ દુર્લભ થઈ જવા પામ્યા છે. ભાગ્યેજ આવા પક્ષીઓ કોઈક વાર નજરે પડે છે. ડોક્ટર આશાબેન નાયકના કમ્પાઉન્ડમાં અનેક વૃક્ષો છે. એ વૃક્ષોમાંથી એક વૃક્ષ ઉપર દુર્લભ ગણાતો ઇન્ડિયન ગ્રે હોર્ન બિલ (ચિલોડો) ઘણાં લાંબા સમય પછી એકા એક નજરે પડ્યો હતો. ડોક્ટર આશાબેન નાયકના પુત્ર નિરજભાઈ નાયકે એમનાં મોબાઈલમાં આ ચિલોડાની તસ્વીર ઝડપી લીધી હતી. અનેક પક્ષીઓ દુર્લભ થઈ ગયા છે. પરંતુ ગ્રામ્ય વિસ્તારમાં હજુ પણ ઘણી વાર આવા દુર્લભ થયેલાં પક્ષીઓ જોવા મળે છે.
રિપોર્ટર : નઝીર પાંડોર, માંગરોળ (સુરત)
