હિન્દ ન્યૂઝ, દિયોદર
વિખવાદ માં રહેલ દિયોદર માર્કેટ યાર્ડ ની ચૂંટણી નું પરિણામ આજે જાહેર થવા પામ્યું હતું. માર્કેટ યાર્ડ ની કુલ 16 બેઠક પર બે બેઠક બિન હરીફ થતા 14 બેઠક માટે બુધવાર ના રોજ મતદાન યોજાયું હતું. જેમાં કુલ 98.62 ટકા જેટલું સરેરાશ મતદાન થવા પામ્યું હતું. જેમાં આજે શાળા નંબર 2 ખાતે પોલીસ ના ચુસ્ત બંદોબસ્ત વચ્ચે ચૂંટણી અધિકારી ની હાજરી માં 6 બુથ પર મતગણતરી હાથ ધરવામાં આવી હતી જેમાં વહેપારી વિભાગ 4 બેઠક પર વર્તમાન શિવાભાઈ ભુરિયા ની પેનલ જીત થઈ હતી. જો કે ખેડૂત વિભાગ ની 10 બેઠક પર ભાજપ પ્રેરિત ઈશ્વરભાઈ તરક ની પરિવર્તન નો પવન ફૂંકાયો હતો. જેમાં વિજેતા ઉમેદવાર માં ઉત્સાહ જોવા મળી આવ્યો હતો. વિજેતા થયેલ ઉમેદવારો ના સમર્થકો દ્વારા ભારત માતાકી જય ના નારા સાથે વિજય ઉત્સવ મનાવ્યો હતો. વર્તમાન સમય આઠ વર્ષ બાદ કોંગ્રેસ પ્રેરિત શિવાભાઈ ભુરિયા ને સતા ગુમાવવાનો વારો આવ્યો હતો અને ભાજપ પ્રેરિત ઈશ્વરભાઈ તરક વિજેતા થયા હતા. આઠ વર્ષ ના સાસન બાદ સ્થાનિક ધારાસભ્ય અને વર્તમાન ચેરમેન શિવાભાઈ ભુરિયા એ ખેડૂત વિભાગ માં 10 બેઠક ગુમાવી. મતગણતરી સમય વર્તમાન પેનલ ના ઉમેદવાર શિવાભાઈ ભુરિયા મતગણતરી સ્થળ પર આવ્યા ન હતા અને વર્તમાન સમય વેપારી વિભાગ ની 4 બેઠક અને તેલંબિયા વિભાગ ની 2 બેઠક પર શિવાભાઈભાઈ ભુરિયા એ સીટ જાળવી રાખી હતી જો કે ખેડૂત વિભાગ ની 10 બેઠક પર ઈશ્વરભાઈ તરક પરિવર્તન પેનલ ના ઉમેદવાર ની જીત થઈ હતી. ખેડૂત વિભાગમાં જીતેલ તમામ ઉમેદવારોનું લિસ્ટ :
૧.તરક ઈશ્વરભાઈ જેવતાભાઈ
૨.જોશી પરાગભાઇ મંછાભાઈ
૩.પટેલ ઈશ્વરભાઈ તેજાભાઈ
૪.પટેલ ચતરાભાઇ ચમનાજી
૫.દેસાઈ રમેશભાઈ કરશનભાઇ
૬.ચૌધરી અણદાભાઈ જીવાભાઈ
૭.રાજપુત ખેંગારભાઈ રગનાથભાઈ
૮.પટેલ માલાભાઈ સગરામભાઈ
૯.ચાવડા ભાવસંગજી સવસીજી
૧૦.વાઘેલા ગણપતસિંહ કરશનજી
વેપારી વિભાગમાં જીતેલ તમામ ઉમેદવારોનું લિસ્ટ :
૧.પટેલ જેસુંગભાઈ સગરામભાઈ
૨.પટેલ રઘુભાઈ ડામરાભાઈ
૩.પટેલ ઉમેદભાઈ નવાજી
૪.પટેલ દાનાભાઈ હરજીભાઈ
બિન હરીફ થયેલ બેઠક તેલંબિયા વિભાગ :
(૧) શિવાભાઈ અમરાભાઈ ભુરિયા
(૨)નારણભાઈ શિવાભાઈ ભુરિયા
રિપોર્ટર : પ્રદિપ સિંહ વાઘેલા, દિયોદર
