હિન્દ ન્યુઝ, જામનગર
જામનગર જીલ્લાની તમામ અદાલતોમાં ૧ લી જુલાઈથી આવનારા ત્રણ મહિના અંતર્ગત- નાલસા તથા MCPC દ્વારા મીડિયેશન ફોર ધ નેશન’ અન્વયે ૯૦ દિવસની મીડિયેશન ડ્રાઇવ (મધ્યસ્થીકરણ ઝુંબેશ) શરૂ કરવામાં આવી છે. જેમાં સમગ્ર રાજ્યની તમામ કોર્ટમાં પડતર કેસોમાં મધ્યસ્થીકરણ કરાવી સુખદ સમાધાન લાવવા માટે આયોજન કરવામા આવેલ છે.
જામનગર જીલ્લાની અદાલતમા પડતર કેસાના લાગતા વળગતા તમામ પક્ષકારોને તેઓના કેસ જો સમાધાન લાયક કેસોમાં આવતા હોય જેવા કે લગ્ન જીવનની તકરારો ને લગતા કેસો, અકસ્માત વળતરના કેસો, ઘરેલુ હિંસાના કેસો, ચેક બાઉન્સના કેસો, કોમર્શિયલ વિવાદના કેસો, સર્વિસ મેટર, સમાધાન લાયક ફોજદારી કેસો, ગ્રાહક તકરારના કેસો, પાર્ટીશનના દાવાઓ, જમીન સંપાદનના કેસો અને બીજા અન્ય સિવિલ દાવાઓ જેમાં સુખદ રીતે સમાધાન થાય તે હેતુથી કેસોના ઝડપી નીકાલ માટે ઈચ્છા ધરાવતા હોય તેવા પક્ષકારો એ એ જે તે અદાલતમા રૂબરૂ જઈ મીડિયેશનમા પોતાનો કેસ મુકાવા અરજી કાર્યવાહી કરવા જાણ કરવાની રહેશે.
જેથી લાગતા વળગતા પક્ષકારો એ વહેલામા વહેલી તકે જે તે અદાલતમાં રૂબરૂ જઈ મીડિયેશન સેન્ટરમા કેસ મુકવા માટે સંબધીત અદાલતમા અરજી કરી કાર્યવાહી કરવી અને કેસો મધ્યસ્થીકરણમાં મુકાવવાના પ્રયત્નો કરવા. લોકોને પણ આ અભિયાનનો લાભ લેવા માટે તેમજ પોતાનો કેસ જે કોર્ટમાં પડતર હોય તે કોર્ટમાં મીડિયેશનને રિફર કરવા માટે અરજી કરી તે કેસોનો મધ્યસ્થીકરણથી નિકાલ લાવવાના પ્રયત્ન કરવા માટે સંપૂર્ણ સહકાર આપવા માટે જામનગર જીલ્લા કાનૂની સત્તામંડળના સચિવની યાદીમાં જણાવવામાં આવ્યું છે.
