હિન્દ ન્યુઝ, ઈડર
સ્પોર્ટ્સ ઓથોરીટી ઓફ ગુજરાત (રમત ગમત યુવા અને સાંસ્કૃતિક પ્રવૃત્તિઓ વિભાગ ગુજરાત સરકાર જિલ્લા રમત પ્રશિક્ષણ કેન્દ્ર, હિંમતનગર – સાબરકાંઠા) દ્વારા ખેલ મહાકુંભ 2.0 જિલ્લા કક્ષા કરાટે સ્પર્ધા ભાઈઓ અને બહેનો ની સ્પર્ધા તારીખ ૧૦/૦૨/૨૦૨૪ અને ૧૧/૦૨/૨૦૨૪ ના રોજ સાબર સ્ટેડીયમ, હિંમતનગર ખાતે યોજાઈ ગઈ.
આ સ્પર્ધામાં તક્ષશિલા ઈંગ્લીશ સ્કુલના ખેલાડીઓએ સુંદર પ્રતિનિધિત્વ કરી વિજેતા થયેલ છે. જેમાં જિલ્લા કક્ષાએ પ્રથમ આવેલ દિર્ધા મુકેશભાઈ પટેલ, અંડર-૧૭ (+ ૬૮ કિ.ગ્રા), જિલ્લા કક્ષાએ દ્વિતીય નિખીલ કલ્પીતકુમાર મેવાડા, અંડર-૧૪ (૫૦-૫૫ કિ.ગ્રા.), ક્રિશા વિમલકુમાર સોની અંડર-૧૪ (૩૮-૪૨ કિ.ગ્રા.) અને જિલ્લા કક્ષાએ તૃતીય વૈદેહી દિપકકુમાર સોની, અંડર-૧૪ (૪૬-૫૦ કિ.ગ્રા.) આવેલ છે.
આ તમામ ખેલાડીઓને માર્ગદર્શન કરાટે કોચ અલ્પેશ રામાણી (બ્લેક બેલ્ટ) દ્વારા આપવામા આવ્યું સાથે વિજેતા થયેલ તમામ ખેલાડીઓને તક્ષશિલા ઈંગ્લીશ સ્કુલ ના પરિવાર વતી શુભેચ્છાઓ પાઠવવામાં આવી.
ઈડર તાલુકા બ્યુરોચીફ : રીતેશ પટેલ
