હિન્દ ન્યુઝ, ગીર સોમનાથ
નેશનલ લીગલ સર્વિસ ઓથોરીટી ન્યુ દિલ્હીના આદેશ અનુસાર ગુજરાત રાજય કાનુની સેવા સત્તા મંડળ, અમદાવાદના માર્ગદર્શન હેઠળ જિલ્લા કાનુની સેવા સત્તા મંડળ, ગીર-સોમનાથ દ્વારા જિલ્લા કાનુની સેવા સત્તા મંડળનાં અધ્યક્ષ અને મુખ્ય જિલ્લા ન્યાયાધીશ કુ. એમ.એમ.પટેલનાં અધ્યક્ષસ્થાને તા.૦૯ ડિસેમ્બરના રોજ ગીર-સોમનાથ જિલ્લાની તમામ અદાલતોમાં નેશનલ લોક અદાલતનું આયોજન કરવામાં આવ્યું હતું.
આ લોક અદાલતમાં નેગો.ઈન્સ્ટ્રુમેન્ટ એકટ કલમ-૧૩૮, ભરણ પોષણનાં કેસો, દિવાની દાવાઓ, મોટર અકસ્માતનાં વળતરને લગતા કેસો, સ્પેશીયલ સીટીંગ, પ્રિ-લીટીગેશનના કેસો તથા ટાફીક ચલણના કેસોનો સુખદ નિકાલ કરવામાં આવ્યો હતો.
આ લોક અદાલતમાં કુલ ૧૪૩૪ પેન્ડીંગ કેસોનો સમાધાનથી નિકાલ કરવામાં આવેલ હતો મેજીસ્ટેટના સ્પેશ્યલ સીટીંગમાં કુલ ૧૭૫૦, પ્રિ-લીટીગેશનનાં કુલ ૧૫૪૩ મળીને કુલ ૪૭૨૭ કેસોનો લોક અદાલતમાં નિકાલ કરવામાં આવેલ હતો. અને લોક અદાલતમાં કુલ રૂ. ૧૦,૨૭,૦૫૪૫૬/- જેટલી રકમના વિવાદોનું નિરાકરણ લાવવામાં આવ્યું હતુ. એમ જિલ્લા કાનુની સેવા સત્તા મંડળ, ગીર-સોમનાથનાં સેક્રેટરીશ્રી કે.જી.પટેલ દ્વારા એક યાદીમાં જણાવવામાં આવ્યું છે.
