હિન્દ ન્યુઝ, ભાવનગર
દેશની આઝાદીના અમૃત વર્ષના ઉપક્રમે દેશભરમાં ૭૫ માં સ્વતંત્રતા પર્વની હર્ષભેર ઉજવણી થનાર છે. ભાવનગર શહેરમાં પણ આ અંતર્ગત મહાનગરપાલિકા દ્વારા કાર્યક્રમની ઉજવણી શહેરનાં પ્રથમ નાગરીક મેયર શ્રીમતિ કિર્તીબાળા દાણીધારીયાની ઉપસ્થિતિમાં કરવામાં આવશે.
મેયર આ અવસરે રાષ્ટ્રધ્વજને લહેરાવીને સલામી આપશે. આ અંગેનો કાર્યક્રમ રવિવારના રોજ સવારના ૯-૦૦ વાગ્યે શ્રી રવિન્દ્રનાથ ટાગોર પ્રાથમિક શાળા, યશવંતરાય નાટ્યગૃહની બાજુમાં, મહિલા કોલેજ સર્કલ ખાતે યોજવામાં આવશે. આ ઉજવણીમાં નગરના ગણમાન્ય નાગરિકો ઉપસ્થિત રહેશે.
બ્યુરોચીફ (ભાવનગર) : હકીમ ઝવેરી
