રાજકોટ,
તા.૫/૯/૨૦૨૦ ના રોજ રાજકોટ શહેર મ્યુનિસિપલ કમિશનર ઉદિત અગ્રવાલના આદેશથી, (૧) નકલંગ હોટલ – કાલાવડ રોડ, (૨) રવેચી હોટલ – કૃષ્ણનગર મેઈન રોડ, આનંદ બંગલા ચોક, (૩) શ્રીજી હોટલ કાલાવડ રોડ, (૪) જય નકલંગ ટી સ્ટોલ – યુનિવર્સિટી રોડ, (૫) મુરલીધર ડિલક્ષ પાન & ટી સ્ટોલ – યુનિવર્સિટી રોડ (૬) મોમાઈ ટી સ્ટોલ – યુનિવર્સિટી રોડ અને (૭) મોમાઈ ટી સ્ટોલ – લીમડા ચોક તમામ ચાની હોટલો અને પાનની દુકાનો સીલ કરવામાં આવી હતી.
આ તમામ દુકાનો પર ગ્રાહકોના ટોળા એકત્રિત થતા હોય આ કાર્યવાહી કરાઇ હતી. રાજ્ય સરકાર દ્વારા કોરોના સામે સાવચેતી રાખવાના ભાગરૂપે ધંધાર્થીઓને ત્યાં ટોળા ભેગા ન થાય અને સોશિયલ ડિસ્ટન્સનું પાલન કરી પોતાનો વ્યવસાય કરવા છૂટછાટ આપવામાં આવેલ છે.
રિપોર્ટર : દિલીપ પરમાર, રાજકોટ
