હિન્દ ન્યુઝ, નડિયાદ
વિશ્વ વેટલેન્ડ્સ દિવસ નિમિત્તે ખેડા જિલ્લાના માતર તાલુકાના પરિએજ વેટલેન્ડ ખાતે યોજાયેલ ચોથો સારસ ક્રેન ફેસ્ટિવલ માત્ર એક ઉજવણી નહોતો, પરંતુ કુદરત સાથેના સહઅસ્તિત્વની જીવંત કહાની હતી
એક સમય હતો જ્યારે નિવાસસ્થાનના નાશ અને વેટલેન્ડ્સના ક્ષયના કારણે સારસ ક્રેન સંકટમાં હતો. આજે સામાજિક વનીકરણ વિભાગ, યુપીએલ અને સ્થાનિક સમુદાયના સંયુક્ત પ્રયાસોથી સારસ ક્રેનની વસ્તીમાં નોંધપાત્ર પુનરુત્થાન થયું છે — ૨૦૧૫-૧૬માં આશરે ૫૦૦થી વધીને ૨૦૨૪-૨૫માં ૧,૪૭૭ સુધી પહોંચેલી સંખ્યા આ સફળતાનો સાક્ષી છે.
