હિન્દ ન્યુઝ, ગીર સોમનાથ
ગીર સોમનાથના તાલાળા ચોકડી નજીક પ્રાઈવેટ કંપનીની ગેસ લાઈન લીકેજ હોવાથી તેની ઉપર રહેલા વેસ્ટમાલમાં આગ ભભૂકી ઉઠી હતી. આ આગની જાણ ફાયરવિભાગને થતાં ચીફ ફાયર ઓફિસર રવિરાજસિંહની ટીમ દ્વારા ત્વરિત કામગીરી કરવામાં આવી હતી.
આગ લાગ્યાની જાણ થતાં જ ફાયર ટીમ વોટર બ્રાઉઝર સાથે તરત જ ઘટનાસ્થળે પહોંચી હતી અને વેસ્ટમાલ પર પાણીનો મારો ચલાવી અને આગ બૂઝાવી હતી. આગને સત્વરે બૂઝાવ્યા પછી ગેસ લીકેજનો મેઈન વાલ્વ બંધ કરી વધુ હાનિ થતાં અટકાવી હતી. આ રીતે ગીર સોમનાથના ફાયર વિભાગે ગણતરીની પળોમાં જ ઉત્તમ કામગીરી કરી માલમિલકતને નુકસાન થતાં અને જાનહાનિ થતાં અટકાવી હતી.
