હિન્દ ન્યુઝ, ભાવનગર
રમત ગમત, યુવા અને સાંસ્કૃતિક પ્રવૃતિઓ વિભાગ, ગુજરાત સરકાર દ્વારા ગુજરાત રાજ્ય યોગ બોર્ડનાં માધ્યમથી તા.૦૧/૦૧/૨૦૨૪ નાં રોજ રાજ્યવ્યાપી સૂર્યનમસ્કાર કાર્યક્રમનું આયોજન કરવામાં આવનાર છે. જેનાં અંતર્ગત ભાવનગર મહાનગરપાલિકા દ્વારા તા.૦૧/૦૧/૨૦૨૪ નાં રોજ સવારે ૦૭:૦૦ કલાકે, ઘોઘા સર્કલ સંસ્કાર કેન્દ્ર, ઘોઘા સર્કલ અખાડો, ભાવનગર ખાતે રાજ્યવ્યાપી સૂર્યનમસ્કાર કાર્યક્રમનું આયોજન કરવામાં આવનાર છે.
જિલ્લામાં યોગનો વ્યાપ વધે, લોકો યોગ કરતાં થાય અને સમગ્ર જિલ્લામાં યોગ અંગેનો માહોલ ઊભો થાય અને લોકો નિરોગી રહે, દરેક નાગરિકને સ્વસ્થ જીવનશૈલી અને નિરોગી જીવન જીવવા માટે પ્રોત્સાહિત કરવાનાં હેતુથી આ કાર્યકમનું આયોજન કરવામાં આવેલ છે તેમ કાર્યક્રમની અમલીકરણ સમિતિનાં સભ્ય સચિવ અને જિલ્લા રમત વિકાસ અધિકારીની યાદીમાં જણાવાયું છે.
