હિન્દ ન્યુઝ, મહિસાગર
પ્રધાનમંત્રીએ “વોકલ ફોર લોકલ”નું આહવાન કર્યું છે જેને ભારતવાસીઓએ દીપાવલી પર્વે ખૂબ ઉત્સાહથી વધાવ્યું છે. સ્થાનિક ઉત્પાદનો લોકો ખૂબ લાગણીથી ખરીદી કરી રહ્યા છે. તેમનું ” મન કી બાત ” માં “વોકલ ફોર લોકલ”નું કરેલું સૂચન દિવાળી અને નૂતન વર્ષના ઉત્સવો દરમિયાન સ્થાનિક નાના વહેપારીઓને અને ગૃહઉદ્યોગોને પ્રોત્સાહિત કરનારું છે. પ્રકાશના આ પર્વમાં મેરાયા, દીવડાઓ સહિતની ચીજવસ્તુ બનાવતા કારીગરો ખુશી વ્યકત કરે છે. પ્રધાનમંત્રીએ આપેલા વોક્લ ફોર લોકલના મંત્રનો વધુ પ્રચાર પ્રસાર થાય તે માટે આ અભિયાનમાં જાણીતા લોકો પણ જોડાઈ રહ્યા છે ત્યારે મહીસાગર જિલ્લાના સુપ્રસિદ્ધ સાહિત્યકાર પદ્મશ્રી ડૉ. પ્રવીણ દરજીએ સ્થાનિક ઉત્પાદનોને ખરીદવાના પ્રેરક સંદેશ સાથે સૌને દીપાવલી પર્વની શુભકામનાઓ પાઠવી છે.
રિપોર્ટર : દિનેશ પરમાર, મહિસાગર
