હિન્દ ન્યુઝ, ગીર સોમનાથ
આજે ૨૬મી નવેમ્બર ‘બંધારણ દિવસ’ની ઉજવણીના ભાગરૂપે સમગ્ર રાજ્યની સરકારી કચેરીઓ, બોર્ડ /નિગમ/ કોર્પોરેશન, સ્થાનિક સ્વરાજની સંસ્થાઓ, સ્વાયત્ત સંસ્થાઓ તેમજ શૈક્ષણિક સંસ્થાઓમાં કચેરીના સ્થળે બંધારણના આમુખનું વાંચન કરવામાં આવ્યું હતું. તે ઉપરાંત બંધારણના મૂળભૂત સિદ્ધાંતો તેમજ આદર્શો અંગે અનેકવિધ કાર્યક્રમો યોજાયા હતા. આ કાર્યક્રમના ભાગરૂપે ગીર સોમનાથ જિલ્લા કલેક્ટર એચ.કે.વઢવાણિયા સહિત વહીવટી તંત્રના અધિકારીશ્રીઓ તેમજ કર્મચારીઓ દ્વારા બંધારણના આમુખનું વાંચન કરી બંધારણ દિવસની ઉજવણી કરવામાં આવી હતી.