મારી માટી, મારો દેશ – “માટીને નમન, વીરોને વંદન”
હિન્દ ન્યુઝ, બોટાદ
“મારી માટી, મારો દેશ”- “માટીને નમન, વીરોને વંદન” કાર્યક્રમની ઉજવણીના ભાગરૂપે જિલ્લા કલેક્ટર ડૉ. જિન્સી રોયના અધ્યક્ષસ્થાને તેમજ જિલ્લા વિકાસ અધિકારી અક્ષય બુદાણીયાની પ્રેરક ઉપસ્થિતિમાં બોટાદના કૃષ્ણસાગર તળાવ ખાતે “મેરી માટી મેરા દેશ” કાર્યક્રમની ઉત્સાહપૂર્વક ઉજવણી કરવામાં આવી હતી.
આ તકે અધિક નિવાસી કલેક્ટર મુકેશ પરમાર અને જિલ્લાના અગ્રણી ચંદુભાઇ સાવલીયાએ પણ વીરોને શ્રદ્ધાંજલિ આપી તેમના બલિદાન તથા દેશસેવાને યાદ કર્યા હતા.
જિલ્લા કલેક્ટર ડૉ. જિન્સી રોયેના હસ્તે વીર સ્વાતંત્ર્ય સેનાની ખાંતિલાલ ગિરધરલાલ દેસાઇના સુપુત્ર શરદભાઇ દેસાઇ તેમજ નિવૃત આર્મીમેન રતનસિંહ ભીખુભા મકવાણા, ગીરીશભાઇ ચૌહાણ, માધાભાઇ પરમાર અને કાંતિભાઇ છગનભાઇ મકવાણાને સન્માનિત કરાયાં હતાં.
જિલ્લા કલેક્ટર ડૉ. જિન્સી રોય સહિત અન્ય મહાનુભાવોએ કૃષ્ણસાગર તળાવ ખાતે શિલાફલકમનું અનાવરણ કરી અને દીપ પ્રગટાવી શહીદોને વંદન કર્યા હતા તેમજ પંચ પ્રણ પ્રતિજ્ઞા, વૃક્ષારોપણ સહિતના કાર્યક્રમમાં ભાગ લઈ રાષ્ટ્રધ્વજને સલામી આપી હતી. અંતમાં જિલ્લા કલેક્ટર, જિલ્લા વિકાસ અધિકારી, જિલ્લા પોલીસ અધિક્ષક સહિતના અધિકારીઓ-કર્મચારીઓ તેમજ નાગરિકોએ સેલ્ફી લઇ સોશિયલ મીડીયામાં અપલોડ કરી હતી. પ્રારંભમાં પ્રાંત અધિકારી દિપક સતાણીએ સૌને આવકાર્યાં હતાં.
કાર્યક્રમમાં જિલ્લા પોલીસ અધિક્ષક કે.એફ. બલોલીયા, ગ્રામ્ય મામલતદાર બ્રહ્મભટ્ટ, પિનાકીભાઇ મેઘાણી, જિલ્લા-તાલુકાના સદસ્યઓ, બોટાદના નગરજનો, પોલીસ વિભાગના જવાનો શહીદવીરોના પરિવારજનો, નિવૃત આર્મીમેન સહિત બોટાદ નગરપાલિકાના કર્મીઓ ઉપસ્થિત રહ્યાં હતાં. કાર્યક્રમનું આયોજન બોટાદ નગરપાલિકા દ્વારા કરાયું હતું.
રિપોર્ટર : અલ્તાફ માણીપરા, બોટાદ
