હિન્દ ન્યૂઝ, કચ્છ
ગુજરાત વિધાનસભાની આઠ બેઠકની પેટાચૂંટણી માટે આજે મતદાન યોજાઈ રહ્યું છે. આ બેઠકો પક્ષ પલટાને કારણે ખાલી પડી છે. આજે સવારે સાત વાગ્યાથી શરૂ થયેલા મતદાનમાં ૧:૦૦ વાગ્યા સુધીમાં ૨૧.૯૪ ટકા શાંતિપૂર્ણ મતદાન થયું છે. તો આજે કચ્છ-મોરબી સાંસદ વિનોદભાઈ ચાવડાએ નખત્રાણાના સુખપર રોહા મધ્યે પોતાના મતાધિકારનો ઉપયોગ કરી મતદાન કર્યું હતું. તો ભાજપના ઉમેદવાર પ્રદ્યુમનસિંહ જાડેજાએ અબડાસાના વીંજાણું મધ્યે મતદાન કર્યું હતું, તો બીજી તરફ કોંગ્રેસના ઉમેદવાર શાંતિલાલ સેંઘાણીએ પોતાના સ્થાનિક વિસ્તારમાં મતદાન કર્યું હતું. તો આજે થતી ૧-અબડાસા વિધાન સભાની ચૂંટણી પ્રક્રિયામાં કોઈપણ જગ્યાએ હજુ સુધી ઇવીએમ મશીન ખોટપાયા હોય તેવી કોઈ ફરિયાદ ઊભી થયી નથી.
રિપોર્ટર : શંકર મહેશ્વરી, કચ્છ
