હિન્દ ન્યુઝ, ડાંગ
ગુજરાત રાજ્ય યોગ બોર્ડ દ્વારા યોગને જીવનનો અભિન્ન ભાગ બનાવવાના ઉમદા ઉદ્દેશ સાથે એક વિશેષ ‘યોગ વેબિનાર’નું આયોજન કરવામાં આવ્યું છે. આ વેબિનાર મંગળવાર, તા. ૨૫ ઓગસ્ટ, ૨૦૨૬ના રોજ બપોરે ૨:૩૦ થી ૩:૨૦ કલાક દરમિયાન YouTube Live ના માધ્યમથી યોજાશે. આ વિશેષ વેબિનારમાં વલસાડ, નવસારી, તાપી અને ડાંગ જિલ્લાઓનો સમાવેશ કરવામાં આવ્યો છે.
ડાંગ જિલ્લા યોગ કો-ઓર્ડીનેટર દ્વારા ડાંગ જિલ્લાના તમામ સરકારી તથા ખાનગી શાળા-કોલેજો, ITI, શૈક્ષણિક સંસ્થાઓ તથા વિવિધ સરકારી કચેરીઓના અધિકારીઓ, કર્મચારીઓ, શિક્ષકો, વિદ્યાર્થીઓ અને તમામ યોગપ્રેમીઓને પોતાના મોબાઈલ ફોન દ્વારા આ વેબિનારમાં અચૂકપણે જોડાઈ તેનો મહત્તમ લાભ લેવા અનુરોધ કરવામાં આવેલ છે.
વેબિનારનો સમય બપોરે ૨:૩૦ કલાકનો હોવાથી, તમામ સંસ્થાઓના વડાઓને વિનંતી કરવામાં આવે છે કે તેઓ પોતાના સ્ટાફ તથા વિદ્યાર્થીઓ સમયસર ઓનલાઈન જોડાઈ શકે તે માટે યોગ્ય વ્યવસ્થા સુનિશ્ચિત કરે. અત્રે નોંધનીય છે કે, આ વેબિનારમાં જોડાનાર તમામ સહભાગીઓને ઈ-પ્રમાણપત્ર (E-Certificate) એનાયત કરવામાં આવશે.
આ વેબિનારનો લાભ ડાંગ જિલ્લાના નાગરિકો, શિક્ષકો, વિદ્યાર્થીઓ તથા કર્મચારીઓ સુધી બહોળા પ્રમાણમાં પહોંચે તે માટે તમામ સંબંધિત સંસ્થાઓએ સહયોગ આપી વધુમાં વધુ સંખ્યામાં ઓનલાઈન જોડાવા જિલ્લા યોગ કો-ઓર્ડીનેટર દ્વારા ખાસ અપીલ કરવામાં આવી છે.
