દાહોદ,
તા. ૧૪, જિલ્લા કલેક્ટર વિજય ખરાડીએ જેસાવાડા અને ગરબાડાના કન્ટેઇનમેન્ટ વિસ્તારની મુલાકાત લઇ આરોગ્ય વિભાગ દ્વારા કરવામાં આવી રહેલી કામગીરીનું નિરીક્ષણ કર્યું હતું. છેલ્લા કેટલાંક દિવસથી નિયંત્રિત વિસ્તારમાંથી કોરોના સંક્રમણના કેસો સતત સામે આવી રહ્યાં છે ત્યારે નિયંત્રિત વિસ્તારમાં આરોગ્ય તપાસથી લઇને સેનિટાઇઝેશન જેવી કામગીરી વધુ સઘન કરવા માટે કલેક્ટરએ સૂચના આપી હતી.
કલેક્ટર ખરાડીએ બંને કન્ટેઇનમેન્ટ વિસ્તારોમાં ચાલી રહેલી આરોગ્ય તપાસણીની ઝુંબેશનું રૂબરૂ નિરીક્ષણ કર્યું હતું અને આ વિસ્તારના લોકોને સ્વેચ્છિક રીતે જ આરોગ્ય તપાસ કરાવવા જણાવ્યું હતું. સમગ્ર નિયંત્રિત વિસ્તારમાં સેનિટાઇઝેશન સહિતની કામગીરી સઘન રીતે કરવા તેમણે સૂચના આપી હતી.
રિપોર્ટર : વિજય બચ્ચાની, દાહોદ
