હિન્દ ન્યુઝ, વડોદરા
સ્પેનના પ્રધાનમંત્રી ના ધર્મપત્ની અને પ્રતિનિધિ મંડળે વડોદરા ખાતેની પારુલ યુનિવર્સિટીની મુલાકાત લીધી હતી.
શ્રીમતી બેગોના ગોમેઝ તથા તેમની સાથેના પ્રતિનિધિ મંડળના સદસ્યોએ પારુલ યુનિવર્સિટીના વિદ્યાર્થીઓ દ્વારા સંચાલિત 12 નવીન સ્ટાર્ટ-અપની તથા યુનિવર્સિટીના ઇન્ક્યુબેશન હબની મુલાકાત લીધી હતી. સાથોસાથ, તેમણે યુનિવર્સિટીના મહાનુભાવો સાથે વાર્તાલાપ કરીને ગુજરાતના સ્ટાર્ટ-અપ ઈકોસિસ્ટમ તથા આંત્રપ્રિન્યોરશિપ (ઉદ્યોગસાહસિક) નેટવર્કિંગની ઝલક તેમજ સમજણ મેળવી હતી.
ગુજરાત અને ભારતના સ્ટાર્ટ-અપ ઈકોસિસ્ટમના વિકાસ માટે તેના મજબૂત આંત્રપ્રિન્યોરશિપ નેટવર્ક દ્વારા વિદ્યાર્થીઓને સુવિધાઓ પૂરી પાડવા પ્રતિબદ્ધ એવી પારુલ યુનિવર્સિટીને સ્પેનના વિદેશ-મંત્રાલય દ્વારા ગુજરાતના તમામ ઇન્ક્યુબેશન સેન્ટરોમાંથી પસંદ કરવામાં આવી હતી. આ પસંદગી ઇનોવેશન તથા આંત્રપ્રિન્યોરશિપને વધારવાના તથા પ્રોત્સાહન આપવાના પારુલ યુનિવર્સિટીના પ્રયાસો તથા ફોકસને પ્રતિબિંબિત કરે છે જોવા મળે છે.
પારુલ યુનિવર્સિટી એન્ડ આંત્રપ્રિન્યોરશિપ રિસર્ચ સેન્ટર (PIERC)ના એક ભાગ એવા ઇન્ક્યુબેશન સેન્ટરે 200થી વધારે વિદ્યાર્થીઓની આગેવાની હેઠળનાં સ્ટાર્ટ-અપ શરૂ કર્યાં છે.
વિદ્યાર્થીઓ દ્વારા સંચાલિત 12 ઇનોવેશનોના સ્થાપકો તથા સહ-સ્થાપકો સાથે મહામહિમ બેગોના ગોમેઝ (Begoña Gómez)એ વાતચીત કરી હતી. તેમાં ગાલાના ઇનોવેશન્સ, મેડ્રેફ હેલ્થબ્રીજ, યિલ્ડ અર્થ પ્રો પ્રા.લિ., ડૉ. કાર્ડિયો, ડોરી હેન્ડિક્રાફ્ટ્સ, પ્લાનપૅક્ટ ઇનોવેશન્સ પ્રા.લિ., ક્લિજન્ટ, વી-કેર ઓસ્ટોમી, કેલકાલિ, ઇન્ડિસેમિક પ્રા.લિ.,ઈ-કરેક્ટ પ્રા.લિ. તથા કેર-બોટેક-નો સમાવેશ થાય છે,જે ટૅક્નોલોજી, હેલ્થકેર, ટકાઉ ઊર્જા, કૃષિ અને અન્ય સહિતનાં વિવિધ ક્ષેત્રોમાં આંત્રપ્રિન્યોરશિપ વેન્ચરોનું પ્રતિનિધિત્વ કરે છે. યુનિવર્સિટી પાસે તેના સ્ટાર્ટઅપ એક્સિલરેટર કેન્દ્રો પણ છે, જે અમદાવાદ, રાજકોટ અને સુરત સહિત ગુજરાતનાં અગ્રણી શહેરોમાં ફેલાયેલાં છે. તેમણે યુવા સાહસિકો સાથે પડકારો ની ચર્ચા કરી હતી અને સેન્ટરની કામગીરીને બિરદાવી હતી.
પારુલ યુનિવર્સિટીના પ્રેસિડેન્ટ ડૉ. દેવાંશુ પટેલ સહિત પારુલ યુનિવર્સિટીના સદસ્યોએ મહેમાનોને આવકાર્યા હતા.
