જામનગર તા.૧૧ ડિસેમ્બર, ગુજરાત સરકારશ્રીના સ્પોર્ટ્સ ઓથોરીટી ઓફ ગુજરાત ગાંધીનગર આયોજિત ખેલ મહાકુંભ-૨૦૧૯નું મહાપર્વ સમાપ્ત થવાના આરે છે. જે અંતર્ગત ખેલ મહાકુંભ-૨૦૧૯ જામનગર જિલ્લા- શહેરકક્ષાએ પ્રથમ, દ્વિતીય અને તૃતીય ક્રમે વિજેતા થયેલ તમામ વયજૂથના ખેલાડીઓને પ્રમાણપત્ર વિતરણ કાર્યક્રમ તા.૧૪-૧૨-૨૦૧૯ના રોજ સવારે ૮:૩૦ કલાકે જામ અજીતસિંહજી ક્રિકેટ પવેલિયન, જામનગર ખાતે રાખવામાં આવેલ છે. આ કાર્યક્રમમાં જામનગર જિલ્લા-શહેરકક્ષાએ પ્રથમ, દ્વિતીય અને તૃતીય વિજેતા ખેલાડીઓએ સમયસર ઉપસ્થિત રહેવાનું રહેશે. આ કાર્યક્રમમાં ગેરહાજર ખેલાડીને પ્રમાણપત્ર આપવામાં આવશે નહીં તેમ જિલ્લા રમતગમત અધિકારીશ્રી જામનગરની યાદીમાં જણાવાયુ છે.
