હિન્દ ન્યૂઝ, નેત્રંગ
તા.૨૦-૧-૨૦૨૧ નેત્રંગ ખાતે મોરીયાણામાં ગતરાત્રીના રોટવિલર પાળેલ કુતરીને દીપડો ખેંચી મારણ કર્યું હતું. પ્રાપ્ત માહિતી મુજબ ભરૂચ જીલ્લાના જંગલ વિસ્તારમાં આવેલા નેત્રંગ તાલુકામાં છેલ્લા કેટલાક સમયથી દીપડાઓનું આગમન થયું છે. માનવવસ્તી અને પશુઓ ઉપર જીવલેણ હુમલા સહિતની ઘટના પ્રકાશમાં આવી હતી. જેમાં પશુપાલકોના ઢોર ઢાખર અને પાલતુ પ્રાણીઓનું મારણ દીપડા કરી રહ્યા છે. જેમાં નેત્રંગ-વાલીયા રોડ ઉપર આવેલ મોરીયાણા ગામના ખેડૂતના ખેતરમાં રાત્રીના અંધકારના સમયે પાળેલ રોટવીલર શ્વાન ઉપર હુંમલો કરી ગળામાંથી દબોચી ખેંચી લઈ શિકાર કર્યો હતો. આ બાબતે નેત્રંગ વનવિભાગના આર.એફ.ઓ ને રજુઆત કરતા દીપડો પકડવાનું પાંજરું મુકવા માંગ કરી હતી.
વહેલી સવારે પાલતુ રોટવીલર શ્વાનની શોધખોળ કરતા બે ખેતર દૂર મૃત હાલતમાં મળી આવી હતી. ત્યારબાદ આખું પરીવાર ધ્રુસકેને ધ્રુસકે રડયું હતું અને પ્રિન્સિની અંતિમવિધિ કરી હતી. નેત્રંગ વન વિભાગે પાંજરું મુકવા તજવીજ હાથધરી હતી.
રિપોર્ટર : સતીષ દેશમુખ, નેત્રંગ
