હિન્દ ન્યુઝ, માણસા
“જન્મ અને મૃત્યુ કુદરતી ક્રમ છે, પણ લોકશાહીને મજબૂત કરવાની તક 5 વર્ષમાં એક જ વાર મળે છે.”
માણસા તાલુકાના પારસા ગામની ત્રણ મહિલાઓ— કેતનબેન પટેલ, ભાવનાબેન પટેલ અને લક્ષ્મીબેન પટેલ— એ સાબિત કરી દીધું છે કે ‘રાષ્ટ્રધર્મ’ એ તમામ સામાજિક રિવાજોથી ઉપર છે.
શું છે સમગ્ર ઘટના?
ગઈકાલે જ પરિવારના વડીલનું નિધન થયું હતું, ઘરમાં ગમગીની અને સૂતકનો માહોલ હતો.
અંગત ખોટ અને હૈયામાં આસું હોવા છતાં, આ મહિલાઓએ મક્કમ મનોબળ બતાવ્યું.
સામાજિક મર્યાદાઓને બાજુ પર રાખી, તેમણે મતદાન મથકે પહોંચી પોતાનો પવિત્ર મતાધિકાર બજાવ્યો.
એક મજબૂત સંદેશ 📢
જ્યારે ઘણા લોકો નાની-નાની આળસમાં મતદાન કરવાનું ટાળતા હોય છે, ત્યારે આ બહેનોએ “પહેલા મતદાન, પછી બીજું કામ” ના સૂત્રને ખરા અર્થમાં સાર્થક કર્યું છે. વડીલની ખોટ ક્યારેય પુરાશે નહીં, પણ દેશના ભવિષ્ય માટે આપેલું આ યોગદાન હંમેશા યાદ રહેશે.
આ જાગૃત નાગરિકોની રાષ્ટ્રભક્તિને કોટિ કોટિ વંદન! 🇮🇳
