હિન્દ ન્યુઝ, તાપી
ભારત સરકારના વન પર્યાવરણ મંત્રાલય દ્વારા હાથ ધરવામાં આવેલા “પર્યાવરણ માટે જીવનશૈલી” (LiFE) અભિયાન અંતર્ગત તાપી વહીવટી તંત્ર દ્વારા તાપી જિલ્લામાં વિવિધ કાર્યક્રમો યોજાશે.
આગામી તા. 11/10/2025 અને 12/10/2025ના રોજ જિલ્લા રમત-ગમત કચેરી દ્વારા વિવિધ રમતો સહિત સાંસ્કૃતિક કાર્યક્રમો સાથે વારલી પેઈન્ટીંગ,વાંસકામ બનાવટ, રંગોળી હરીફાઈ, વાનગી હરીફાઈ,રસ્સાખેંચ,લીંબુચમચી, મેરેથોન દોડ,ચાઈલ્ડ રન જેવી અનેક પ્રવૃત્તિઓ દ્વારા લોકોને જોડવાનો સરાહનિય પ્રયાસ હાથ ધરાશે.
આ સંદર્ભે નિવાસી અધિક કલેકટર આર.આર. બોરડની અધ્યક્ષતામાં સંબંધિત વિવિધ કચેરીઓના અધિકારીઓ સાથે બેઠક યોજાઈ હતી.
આ અભિયાનનો મુખ્ય હેતુ ટકાઉ જીવનશૈલી વિકસાવવાનો છે, જેમાં રોજીંદા જીવનમાં પર્યાવરણ સંરક્ષણને ટેકો આપતી પ્રવૃત્તિઓ દ્વારા લોકો અને સમુદાયોને જોડવાના પ્રયાસ કરવામાં આવશે.
